×

दिल्लीमा बसेर ठगीको ‘र्‍याकेट’, अमेरिका र क्यानडा पठाउने बहानामा साढे ५ करोड असुली

काठमाडाैं | बैशाख ३१, २०८१

दिल्लीमा बसेर वैदेशिक रोजगारको नाममा ठगी धन्दा सञ्चालन गर्र्दै आएका तीनजनालाई प्रहरीले पक्राउ गरि सार्वजनिक गरेको छ । 

पक्राउ पर्नेमा ओखलढुंगा खिजिदेम्बाका जगतबहादुर तामाङ, तनहुँ ऋषिङका जंगबहादुर बिक (बराल) र सोही ठाउँका विष्णुबहादुर बराली छन् । 


Advertisment

काठमाडौं उपत्यका अपराध अनुसन्धान कार्यालयको टोलीले दिल्ली प्रहरीको सहयोगमा तीनैजनालाई महेन्द्रनगरको गड्डाचौकी हुँदै काठमाडौं ल्याएको हो । 


Advertisment

सोमबार उनीहरूलाई सार्वजनिक गर्ने क्रममा अनुसन्धान कार्यालयका प्रमुख प्रहरी वरिष्ठ उपरीक्षक (एसएसपी) सानुराम भट्टराईले पक्राउ परेकामध्ये तामाङ गिरोहको मुख्य नाइके भएको बताए । 

प्रहरीले यसअघि १० जनाबाट ठगी गरेको आरोपमा काठमाडौंमा बसेर एजेन्टको काम गर्ने तीन जनालाई पक्राउ गरेर सार्वजनिक गरेको थियो । टासी शेर्पा, उनकी श्रीमती ङिमबुटी र आफन्त निमा शेर्पाले नै अमेरिका र क्यानडा पठाइदिने नाममा १० जनाबाट पाँच करोड ५० लाख रुपैयाँ उठाएर दिल्लीमा बसेका तामाङलाई पठाउँदै आएको प्रहरीले जनाएको छ । 

भारतको पहाडगञ्जमा नेपाल प्रहरी पुग्दा तामाङ, बिक र बरालीलाई दिल्ली प्रहरीले नियन्त्रणमा लिएर उनीहरू बसकै होटलमा हतकडी लगाएर राखेको थियो । उनीहरू दिल्लीमा विगत एक वर्षदेखि बसेर ठगीको धन्दा चलाउँदै आएको प्रहरी अनुसन्धानबाट खुलेको छ । 

‘दिल्लीका लागि हाम्रो राति साढे नौ बजेको फ्लाइट थियो, आकाशमा जहाज तीन घण्टा होल्ड भयो,’ अनुसन्धानमा संलग्न प्रहरी अधिकारीले लोकान्तरसँग भने, ‘मध्यरातमा पुग्दा तीन जनालाई नियन्त्रणमा हतकडी लगाएर राखेको देखेपछि खुशी भयौं ।’

null

दिल्लीमा नेपालीले नै सञ्चालन गरेको होटल स्टे– इन डिएक्समा बसेका थिए । 

यो गिरोहले अमेरिका लैजाँदा नेपालको बाटो हुँदै दुबई ट्रान्जिट बनाएर केन्या र युगान्डा लगेर ६ महिनादेखि ९ महिनासम्म रकम र राहदानी लिई नेपालीलाई अलपत्र पार्दै आएका थिए । 

केन्या र युगान्डामा सम्बन्धित देशको नागरिक समेतलाई एजेन्ट राखेर काम गर्दै आएको गिरोहले अमेरिका पुर्‍याउन ब्राजिल, कोलोम्बिया, मेक्सिकोमध्ये कुनै एक रुट प्रयोग गर्ने गरेको प्रहरी अनुसन्धानबाट खुलेको छ । 

null

गिरोहले पीडितहरू अमेरिका प्रवेश गरेपश्चात जेलमा पर्ने र आफ्ना मानिसहरूले कानून व्यवसायी प्रयोग गरी जेलबाट मुक्त गरी रोजगारीमा लगाउने भनी पहिले नै आश्वासन दिएर विश्वासमा पारी रकम असुल्ने गरेको प्रहरीले जनाएको छ । 

अनुसन्धान कार्यालयका डीएसपी गोविन्द पन्थीका अनुसार पक्राउ परेका तीनजनालाई शुरूमा वैदेशिक रोजगार विभागमा पठाउने र उनीहरूमाथि संगठित अपराधमा समेत मुद्दा चलाउने तयारी छ ।

‘संगठित रूपमा वैदेशिक रोजगार ठगीमा संलग्न देखिएपछि उनीहरूलाई संगठित अपराधमा मुद्दा चलाउने राय हामी दिन्छौं,’ पन्थीले भने, ‘यो गिरोहद्वारा अरू नेपाली ठगिएको सम्बन्धमा पनि अनुसन्धान अघि बढाउँछौं ।’ 

पुस २५, २०८०

आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...

कात्तिक २७, २०८०

उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् ।  पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...

मंसिर १४, २०८०

नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...

कात्तिक २७, २०८०

तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...

कात्तिक २२, २०८०

पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...

जेठ ५, २०८१

काठमाडौं गोदावरीकी लक्ष्मी (नाम परिवर्तन) राहत शिक्षकको कोटामा सिन्धुपाल्चोकस्थित एक सरकारी विद्यालय पढाउन पुगिन् । उनले ‘होम ट्युसन’ पनि पढाउँथिन् । कक्षा १० मा पढिरहेका राजु (नाम परिवर्तन)&nb...

समाज सुधारका १२ सूत्र

समाज सुधारका १२ सूत्र

असार ११, २०८१

समाजमा बसेपछि सबैसँग सद्भाव, मित्रता, सहनशीलता, क्षमायाचना, त्याग, शालीनता, भद्रता आदि कुराको आवश्यकता पर्दछ । हरेक मानिस र उसको पारिवारिक अवस्था फरक–फरक हुन्छ। सानातिना कुरामा विवाद गर्ने, निहुँ खोज्ने...

किन बनेन हाम्रो देश ?

किन बनेन हाम्रो देश ?

असार १०, २०८१

'नेपाल अर्थात् यो हाम्रो देश बनेन, अहँ अब बन्दैन' भन्नेहरू देशभित्र मात्र होइन, विदेशमा पनि पाइला–पाइलामा भेटिन्छन् । यसो भन्नेहरूमा देश र यहाँका जनताप्रति चिन्ता र चासो स्वाभाविक रूपमा भेटिन्छ । ...

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

असार ९, २०८१

'राजनीतिज्ञको काम आफ्नो जीवनलाई सहज र सुखद् बनाउनु होइन, आफू जन्मेर हुर्केको र अवसर पाएको समाजका लागि राम्रो काम गर्नु र उन्नत बनाउनु हो'- अमेरिकी पूर्वराष्ट्रपति अब्राहम लिङ्कन । नेपालमा यस्तो सोच्ने ...

x