नेपालको अग्रणी मदिरा उत्पादन कम्पनी हिमालयन डिस्टिलरी लिमिटेड प्रतिष्ठित राष्ट्रिय प्रतिवेदन २०२३ पुरस्कारबाट सम्मानित भएको छ ।

इन्स्टिच्युट अफ चार्टर्ड एकाउन्टेन्ट अफ नेपाल (आईक्यान)को १० औं वार्षिक परिषद्को भव्य समारोहमार्फत डिस्टिलरीलाई सम्मान गरिएको हो ।

उत्कृष्ट सञ्चालन र पारदर्शी व्यापार अभ्यास गर्दैगर्दा प्राप्त पुरस्कारबाट अझै हौसला मिलेको कम्पनीले जनाएको छ । 

साथै आगामी दिनमा कर्पोरेट सुशासन र वित्तीय अखण्डताको उच्चतम मापदण्ड कायम गर्ने प्रतिबद्धता कम्पनीले गरेको छ ।

पुरस्कृत भएपछि कम्पनीले आफ्ना वितरक, कर्मचारी, व्यवस्थापन, सेयरधनीसहित  निरन्तर सहयोग गर्ने र साझेदारहरूप्रति कृतज्ञता प्रकट गरेको छ ।​​​

साझेदारहरूको निरन्तर साथले अझ बढी उचाइ हासिल गर्न सक्ने विश्वास कम्पनीले राखेको छ । 

सन् १९८५ मा स्थापना भएको हिमालयन डिस्टिलरी मुलुकको अग्रणी मदिरा उत्पादक हो । खोज, विकास, उत्पादन र बजारमा गुणस्तर कायम गर्न हिमालयन डिस्टिलरीको महत्त्वपूर्ण योगदान छ ।

हिमालयन डिस्टिलरीले गोल्डेन ओक, ब्ल्याक ओक, सिल्भर ओकजस्ता लोकप्रिय मदिरा उत्पादन गर्दै आएको छ ।