२९ जेठ २०८३, शुक्रबार
यो वर्षको 'शोभा अर्जुन संगीत पुरस्कार' गायिका कोपिला गौतमलाई प्रदान गरिने भएको छ ।
करिब २० वर्षदेखि नेपाली लोक संगीत तथा लोक दोहोरी विधामा योगदान पुर्याउँदै आएकी गौतमलाई यस वर्षको 'शोभा अर्जुन संगीत पुरस्कार' प्रदान गरिने भएको हो ।
शोभा अर्जुन संगीत कोषको तर्फबाट प्रदान गरिने पुरस्कारको राशी २० हजार रहेको छ ।
उक्त पुरस्कार यही साउन ११ गते प्राध्यापक तथा गायिका शोभा तिवारी लोहनीको ७१औं जन्मजयन्तीको अवसरमा प्रदान गरिने छ ।
गायिका गौतमको स्वास्थ्य अवस्थाको प्रतिकूलताका कारण उक्त पुरस्कार उनको निवासमा नै प्रदान गरिने छ ।
गौतमले प्राध्यापक तिवारीसँग ललितकला क्याम्पसमा उनको विद्यार्थीको रूपमा नेपाली लोक संगीत अध्ययन गरेकी थिइन् ।
गायिका गौतम विगत लामो समयदेखि क्यान्सर रोगबाट पीडित छिन् ।
