०३ असार २०८३, बुधबार
भारतको बिहारस्थित एक अस्पतालबाट एउटा अनौठो घटना बाहिर आएको छ । अस्पतालमा एक व्यक्तिलाई चिकित्सकले मृत घोषणा गरेका थिए । तर, मृत घोषित गरिएका व्यक्तिको शव उठाउन लाग्दा उनी आफैं उठेका हुन् ।
भारतीय सञ्चार माध्यम आजतकका अनुसार घटना बिहारको शरीफ सदर अस्पतालमा भएको हो । उनी अस्पतालको शौचालयमा बेहोस अवस्थामा फेला परेका थिए । ढोका फोडेर उनी बेहोस देखेपछि अस्पतालले जाँचै नगरी मृत घोषित गरिदिएको थियो ।
प्रहरीसमेतलाई बोलाएर मृत भनिएका व्यक्तिलाई पोस्टमार्टमका लागि लैजान सफाईकर्मीले उठान खोज्दा उनी आफैं उठेका हुन् ।
समाचारमा जनाइएअनुसार पोस्टमार्टम गर्न लैजाने कुरा सुनेपछि उनी उठेका थिए । युवकको नाम राकेश कुमार रहेको प्रहरीले जनाएको छ ।
उनी औषधि लिन सदर अस्पताल आएका थिए । उनी मादक अवस्थामा रहेको प्रहरीले जनाएको छ ।
उनी मादक पदार्थ सेवन गरी शौचालयमा बेहोस भएका थिए । त्यसपछि युवकलाई हेर्न अस्पतालमा मानिसहरूको भीड लागेको थियो ।
