१३ असार २०८३, शनिबार
शेयर बजारमा लगातार तेस्रो दिन दोहोरो अंकको गिरावट आएको छ ।
अघिल्ला ९ दिन बढेको नेप्से लगातार तेस्रो दिन घट्ने क्रममा बुधबार २५.१६ अंकको गिरावट आयो ।
बुधबार कारोबार भएकामध्ये ६२ कम्पनीको मूल्य बढ्दा १७४ वटाको मूल्य घट्यो । ८ कम्पनीमा कुनै परिवर्तन भएन ।
समूहगतरूपमा जीवन बिमा, बैंक, विकास बैंक, फाइनान्स, होटल र ननलाइफमा १ प्रतिशतभन्दा बढीको गिरावट आयो ।
ट्रेडिङ इन्डेक्समा भने सामान्य वृद्धि देखियो ।
यस दिन बजारमा २ करोड ३३ लाख ४३ हजार २०१ कित्ता सेयर खरिदबिक्री हुँदा १० अर्ब ९७ करोड २६ लाख ५४ हजार रुपैयाँको कारोबार भएको छ ।
अघिल्लो दिन मंगलबार ३०.३६ अंकले घटेर परिसूचक २८४६.६२ बिन्दुमा बन्द भएको थियो । कारोबार १ अर्बभन्दा माथिको आएको थियो ।
दोहोरो अंकले बजार घटे पनि समाज लघुवित्त वित्तीय संस्था र गार्डियन माइक्रो लाइफ इन्स्योरेन्सको शेयर मूल्य सर्वाधिक १० प्रतिशतले बढेको छ ।
कारोबारका आधारमा हिमालयन रिइन्स्योरेन्स ९६ करोड ७० लाख ९५ हजार रुपैयाँको कारोबारसहित शीर्ष स्थानमा रहेको छ ।
