२९ जेठ २०८३, शुक्रबार
काठमाडौंमा ‘नोरा फतेही लाइभ इन नेपाल’ हुने भएको छ ।
यही जेठ ३ गते हायात होटलको ग्राउण्डमा कार्यक्रम हुन लागेको आयोजकले बिहीबार पत्रकार सम्मेलनमार्फत् जानकारी दिए ।
बलिउड अभिनेत्री तथा आइटम गर्ल नोरालाई नेपाल ल्याउन झन्डै ३ करोड खर्च भएको आयोजकले जनाएको छ । नोरासँगै १६ कोरस डान्सर आउन लागेको हुनाले खर्च धेरै हुन लागेको आयोजकले जनाएको छ ।
वर्ल्ड वाइड फिल्मस नेटवर्क प्राइभेट लिमिटेडको आयोजनामा हुन लागेको ‘नोरा फतेही लाइभ इन नेपाल’मा तेरिया मगर, दुर्गेश थापा, द भ्वाइस अफ नेपालका इन्द्रकला राई लगायत ५ जनाको प्रस्तुति रहनेछ ।
आयोजकले यो लाइभ शोबाट उठेको रकम अनाथ बालबालिकालाई पढाइमा मद्दत गरिरहेको ह्युमन रेस्पेक्ट नेपाललाई दिने बताएका छन् ।
‘दिलबर दिलबर‘, ‘कुसु कुसु’, ’ओ साकी साकी’, ‘नाच मेरी रानी नाच’जस्ता चर्चित गीतमा नोराले नृत्य गरेकी छन् ।
