२८ जेठ २०८३, बिहीबार
नेपालका लागि जिकरको आधिकारिक वितरक पायोनियर मोटोकर्पले, कम्प्याक्ट लग्जरी एसयूभी ‘जिकर एक्स’लाई सुलभ मूल्यमा उपलब्ध गराउने भएको छ ।
नयाँ र परिमार्जित मूल्य ७४ लाख ९९ हजार कायम भएको छ। ८४ लाख ९९ हजार बजार मूल्य रहेको जिकर एक्स, हाल १० लाख कम मूल्यमा उपलब्ध गराइएको हो ।
‘अनचेन्ड ड्युटि, अनबिटेबल प्राइस’ नाम रहेको यस योजनाअनुसार ग्राहकहरूले २० प्रतिशत डाउन पेमेन्टमा गाडी खरिद गर्न सक्नेछन् भने एक्सचेन्ज बोनस, अटो प्लस बीमा, सडक करमा १ आर्थिक वर्षको छुट र निःशुल्क ७ किलोवाट वाल चार्जर जस्ता थप विशेष सुविधाको समेत लाभ लिन सक्नेछन् ।
जिकर एक्स प्रभावशाली २०० किलोवाट मोटरद्वारा सञ्चालित छ, जसले उत्कृष्ट पर्फमेन्स र सहज, रेस्पोन्सिभ ड्राइभ अनुभव प्रदान गर्ने कम्पनीको भनाइ छ ।
यसको डब्लुएलटीपी रेन्ज ४४० किलोमिटर रहेको छ र पर्फमेन्स पनि अग्रणी युरोपियन प्रतिस्पर्धीहरूसँग बराबर रहेको छ । जिकर एक्स, जिकर ००१ र जिकर सेभेन-एक्स जस्तै उन्नत ‘एसईए’ प्लेटफर्ममा आधारित छ ।
यसको संरचना ७३ प्रतिशत हाइस्ट्रेन्थ स्टिल प्रयोग गरेर बनाइएको छ, जसले गाडीलाई मजबुत बनाउने मात्र होइन, सुरक्षामा कुनै सम्झौता नगरी तौल पनि कम गर्ने कम्पनीको दाबी छ ।
जिकर एक्स, २०२४ युरो एनक्यापमा दुई विधामा विजेता बन्ने एकमात्र गाडी हो । जसले प्रतिष्ठित ५-स्टार सेफ्टि रेटिङ प्राप्त गरेको छ । साथै, ग्रिन एनक्यापबाट ५-स्टार रेटिङ हासिल गर्दै वातावरणमैत्रीपनमा पनि अग्रता लिएको छ ।
गिलि होल्डिङ ग्रुपअन्तर्गत बनाइएको जिकर एक्स, लक्जरी, स्मार्ट अर्बान मोबिलिटी र सहज पहुँचको सन्तुलनसहित जिकर एक्स, शहरी इलेक्ट्रिक एसयूभीको नयाँ मापदण्ड बनाउने दिशामा अघि बढेको छ । यसको प्रतिस्पर्धात्मक मूल्य, सहज वित्तीय योजना र विशेष स्वामित्व सुविधाका कारण ग्राहकका लागि अहिले नै जिकर एक्स खरिद गर्ने उत्तम समय बनेको कम्पनी बताउँछ ।
पायोनियर मोटो कर्प प्रालिले इलेक्ट्रिक गाडी खरिद गर्न चाहनेहरूलाई नजिकको शोरुममा पुगी जिकर एक्सको स्टाइलिस डिजाइन र विशेषताहरूको अनुभव गर्दै नयाँ मूल्य र योजनाको लाभ लिन आह्वान गरेको छ ।
