पद्मश्री साहित्य पुरस्कार-२०८१ का लागि १५ वटा पुस्तकको विस्तारित सूची सार्वजनिक भएको छ ।

खेमलाल हरिकला लामिछाने प्रतिष्ठानले आइतबार २०८१ सालमा प्रकाशित भएका साहित्यिक पुस्तकमध्येबाट एउटालाई पद्मश्री साहित्य पुरस्कार प्रदान गर्नका लागि सूची सार्वजनिक गरेको हो ।

प्रतिष्ठानका अध्यक्ष जीवा लामिछानेका अनुसार प्रतिष्ठानमा २०८१ सालमा प्रकाशित २०३ वटा साहित्यिक पुस्तक प्राप्त भएका थिए । 

ती मध्ये पुरस्कार चयन समितिले पहिलो चरणमा १५ पुस्तकको विस्तारित सूची प्रतिष्ठानलाई उपलब्ध गराएको उनले बताएका छन्  । 

‘यो सूचीबाट समितिले आगामी महिना पाँचवटा पुस्तकको उत्कृष्ट संक्षिप्त सूची चयन गर्नेछ’, लामिछानेले भनेका छन् । 

यस्तो छ उत्कृष्ट विस्तारित सूची:

१.अर्हत – उपन्यास, शैलेन्द्र अधिकारी

२.उरमाल – आख्यान, छुदेन काविमो

​३.एउटा मायी नगरमा– कथा संग्रह, रमेश क्षितिज

४.छालबाटो – गैह्रआख्यान, रमेश भुसाल

५.प्रणाम सगरमाथा – नियात्रा, भवानी खतिवडा

६.प्रवासीको देश हुन्न – आख्यान, पंचम अधिकारी

७.पानीको परेड – कविता, दिनेश अधिकारी

८.बहुरुपी – कथासंग्रह, श्रेयज सुवेदी

९.रुदाने – उपन्यास, टंक चौलागाई

​१०.स्व – उपन्यास, सरस्वती प्रतीक्षा

११.साँझमा सेल्फी – कविता, हेम प्रभास

​१२.सावर्णि – उपन्यास, डा. श्रीधर खनाल

१३.सिमसारा – आख्यान, वसन्त बस्नेत

१४.श्री ५ को सेवामा – संस्मरण, हेमन्त मिश्र

१५.हिउँको गीत – उपन्यास, तीर्थ गुरुङ