१४ असार २०८३, आइतबार
मालपोत कार्यालय भक्तपुरका प्रमुख कुमार आचार्य करिब २५ लाख रुपैयाँ घुससहित पक्राउ परेका छन् ।
उनलाई अख्तियार दुरुपयोग अनुसन्धान आयोगको टोलीले मंगलबार दिउँसो पक्राउ गरेको हो ।
जग्गासम्बन्धी कामको सिलसिलामा घुस मागेको उजुरीका आधारमा खटिएको आयोगको टोलीले उनलाई करिब २५ लाख रुपैयाँसहित नियन्त्रणमा लिएको आयोगका प्रवक्ता राजेन्द्रकुमार पौडेलले लोकान्तरलाई जानकारी दिए । 'रकम साढे २४ देखि २५ लाख रुपैयाँसम्म हो भन्ने जानकारी आएको छ,' उनले लोकान्तरसँग भने ।
प्रवक्ता पौडेलका अनुसार कार्यालय सहयोगी टीकाराम राउतलाई पनि आयोगको टोलीले पक्राउ गरेको छ ।
थप अनुसन्धान भइरहेको आयोगले जनाएको छ ।
