ब्रिटिस एजुकेसन ग्रुपअन्तर्गतको ब्रिटिस इन्टरनेशनल कलेजले बेलायतको प्रतिष्ठित कील विश्वविद्यालयसँगको सहकार्यमा नेपालमा बीएस्सी (अन्स) डाटा साइन्स कार्यक्रमको शुभारम्भ गरेको छ।

काठमाडौंको ​मेरियट होटलमा आयोजित भव्य समारोहका साथ ऐतिहासिक कार्यक्रम शुरू भएको जानकारी दिइएको हो । यसले नेपालको शैक्षिक र प्रविधि क्षेत्रमा नयाँ युगको शुरूआत गरेको छ।

कार्यक्रममा शिक्षा, प्रविधि, व्यवसाय, कूटनीति तथा सरकारी उच्च अधिकारीहरू, शैक्षिक विज्ञहरू, उद्यमीहरू र आकांक्षी पेशाकर्मीहरूको बाक्लो उपस्थिति रहेको थियो ।

कार्यक्रमको शुरूआत ब्रिटिस एजुकेसन ग्रुपका अध्यक्ष उपेन्द्र कँडेल र कार्यकारी निर्देशक महेन्द्रराज कँडेलले दीप प्रज्वलनबाट गरेका हुन् ।

सो अवसरमा एआई र डाटा विषयवस्तुमा आधारित विशेष नृत्य प्रदर्शन गरिएको थियो भने ब्रिटिस कलेजको आधिकारिक एआई रोबोट 'रोज'ले पहिलोपटक स्वागत मन्तव्य राखेको थियो ।

यो बीएस्सी (अन्स)डाटासाइन्स कार्यक्रमले  नेपालमा छरिएका विशाल डेटालाई व्यवस्थित गर्न र सही दिशा प्रदान गर्न एउटा महत्त्वपूर्ण शैक्षिक पहल शुरू गरेको छ। यस कार्यक्रमको लक्ष्य देश भित्र उपलब्ध तथ्याङ्कहरूलाई वैज्ञानिक ढंगले व्यवस्थापन र मार्गदर्शन गर्नु हो ।

आगामी सेप्टेम्बर २०२५ सम्म पहिलो ५० जना विद्यार्थीका लागि प्रारम्भिक अफर पनि उपलब्ध रहेको छ।