नेपाल इन्भेस्टमेन्ट मेगा बैंक लिमिटेडले ग्राहकहरूका लागि विशेष सुविधासहितको गाडी कर्जा योजना सार्वजनिक गरेको छ ।

यस योजनाअन्तर्गत ग्राहकहरूले आकर्षक ब्याजदरमा सजिलैसँग गाडी खरिद गर्न सक्नेछन् ।

हालका लागि गाडी कर्जाको ब्याजदर केबल ६.२९ प्रतिशत (२०८२ भदौ महिनाको आधारदर ५.७९ प्रतिशत मा ०.५ प्रतिशत थप गरी हुन आउने ६.२९ प्रतिशत) कायम गरिएको छ ।

आगामी दशैं, तिहार तथा छठ पर्वलाई लक्षित गर्दै ल्याइएको यस योजनाले चाडपर्वको उत्सवमा नयाँ गाडीको सपना पूरा गर्न चाहने ग्राहकहरूलाई थप सहजता हुने बैंकको विश्वास छ ।​ 

सीमित समयका लागि मात्र लागू रहने यस विशेष सुविधा नेपाल इन्भेस्टमेन्ट मेगा बैंक लिमिटेडका देशभरका शाखाबाट लिन सकिनेछ ।​

बैंकले हाल २७५ शाखा, ६५ एक्स्टेन्सन काउन्टर, २६४ एटीएम एवं ६० शाखारहित बैंकिङमार्फत अत्याधुनिक बैंकिङ सेवा प्रदान गरिरहेको छ ।