ललितपुर महानगरपालिकाले लगखनखेल क्षेत्रमा रहेको अनधिकृत संरचनामा डोजर चलाएको छ । 

महानगर प्रहरी बलले आइतबार बिहान ललितपुर जिल्ला अदालत अगाडिका टहराहरूमा डोजर चलाएको हो ।

न्हुँ:पोखरी आसपासमा सरकारी जग्गामा अतिक्रमण गरेर बनाइएका टहरा नगर प्रहरीले डोजर लगाएर भत्काएको हो । नगरप्रहरी प्रमुख सीताराम हाछेथुले अतिक्रमित संरचना हटाइएको जानकारी दिए ।

ललितपुर चोकबाट जिल्ला अदालत हुँदै महालक्ष्मीस्थानतर्फ जानेतर्फको दायाँबायाँ अनधिकृत संरचना बनाएर सटर भाडामा लगाइएको थियो ।

यसक्रममा बुद्धि विकास मण्डलको भवन र नेपाल क्षयरोग निवारण संघले प्रयोग गर्दै आएको संरचना पनि भत्काइएको छ ।

महानगरले यसअघि पनि अनधिकृत ढंगले बनेका संरचना भत्काउने अभियान सञ्चालन गर्दै आएको छ ।

हेर्नुहोस् तस्वीरहरू :