झन्डै दुई सातापछि खुलेको सेयर बजार दुई मिनेटमै सर्किट ब्रेक लागेको छ । बिहीबार सेयर कारोबार खुलेको दुई मिनेटमै नेगेटिभ सर्किट ब्रेक लागेर कारोबार २० मिनेटका लागि बन्द भएको हो । 

पहिलो दुई मिनेटमा ३ लाख ३४ हजार २७५ कित्ता सेयरको खरिदबिक्री हुँदा १५ करोड ६६ लाख रुपैयाँको कारोबार भइसकेको छ ।

नेपाल स्टक एक्सचेन्ज (नेप्से) ४ प्रतिशतले घट्दा सर्किट ब्रेक लागेर २० मिनेटका लागि बन्द भएको हो । 

शेयर बजारमा एक घण्टाअघि ४ प्रतिशतले नेप्से परिसूचक बढ्दा २० मिनेटलाई ब्रेक लाग्छ भने, २ घण्टाअघि ५ प्रतिशतले नेप्से परिसूचक बढ्दा ४० मिनेटका लागि ब्रेक लाग्छ । 

त्यसै गरी ६ प्रतिशतले परिसूचक बढेमा दिनभरिको कारोबारमा ब्रेक लाग्ने गर्दछ ।