कैलालीको घोडाघोडी नगरपालिका-८ गएराति एक जनाको घाँटी रेटी हत्या गरिएको छ ।

सँगै बसेर मदिरा सेवन गरेका तीन जनामा आपसी विवाद हुँदा दुई जनाले घाँटी रेटी एक जनाको हत्या गरेको जिल्ला प्रहरी कार्यालय कैलालीका डीएसपी राजकुमार सिंहले जानकारी दिए । 

सोही वडाका १८ वर्षीय बलबहादुर विक र १९ वर्षीय गंगा क्षेत्रीले हत्या गरी टाउको लिएर अस्थायी प्रहरी पोष्ट पुगेको प्रहरीले जनाएको छ । प्रहरीले उनीहरू दुवैलाई नियन्त्रणमा लिएको छ । 

उनका अनुसार गएराति ११ बजे केशरसिंह बुढाको घाँटी रेटेर हत्या गरिएको हो । घटनाबारे थप अनुसन्धान भैरहेको उनले बताए ।