१० असार २०८३, बुधबार
डिशहोमले नेपालभरका स्पा तथा सलोन सेवामा अग्रणी र विश्वसनीय नाम मध्ये एक 'द ट्रानक्वालिटी स्पा'सँग साझेदारी गरेको छ।
डिशहोमको अभिनव भर्चुअल प्रिभिलेज कार्ड कार्यक्रमअन्तर्गत शुरू गरिएको यो सहकार्यले ग्राहकहरूको जीवनशैलीलाई अझ समृद्ध बनाउन र उनीहरूलाई देशव्यापी रूपमा विशेष स्वास्थ्य तथा वेलनेस लाभहरू प्रदान गर्ने लक्ष्य राखिएको कम्पनीले जनाएको छ ।
अब डिशहोमका सक्रिय ग्राहकहरूले नेपालभर रहेका सबै ट्रानक्वालिटी स्पा शाखाहरूमा तलका विशेष छुटहरू प्राप्त गर्न सक्नेछन् ।
कम्पनीले दिएको जानकारीअनुसार सबै स्पा र सलोन सेवामा २५ प्रतिशत, सबै सलोन सेवामा २० प्रतिशत र ट्रानक्वालिटी इन्टरनेशनल ब्युटी एन्ड स्पा एकेडेमीमा हुने तालिममा ३० प्रतिशत छुट पाउनेछन् ।
लक्जरी वातावरण, अनुभवी थेरापिस्टहरू र विश्वस्तरीय उपचारका लागि परिचित द ट्रानक्वालिटी स्पाले नेपालमा वेलनेस र रिल्याक्सेसनको पर्यायका रूपमा आफ्नो स्थान स्थापित गरेको छ।
देशका प्रमुख शहरहरू र पर्यटनस्थलहरूमा शाखा विस्तार गरिसकेको यस स्पाले डिशहोमका ग्राहकहरूलाई मनोरञ्जन र स्वास्थ्यका उत्कृष्ट सुविधाहरू एउटै प्लेटफर्ममा उपलब्ध गराएको छ ।
काठमाडौंमा अवस्थित TIBSA ले ब्युटी थेरापी, स्पा ट्रीटमेन्ट, मसाज थेरापी र समग्र वेलनेससम्बन्धी व्यावसायिक पाठ्यक्रमहरू प्रदान गर्छ ।
व्यावहारिक तालिम र विशेषज्ञ प्रशिक्षकहरूद्वारा सञ्चालित यो संस्थाले नेपालको आगामी पुस्ताका वेलनेस व्यवसायीहरूलाई तयार पार्ने उद्देश्य राखेको छ ।
अफर विवरण
· देशभरका सबै ट्राङक्विलिटी स्पा शाखामा सबै स्पा र सलोन सेवामा २५ प्रतिशत छुट
· सबै सलोन सेवामा २० प्रतिशत छुट
· TIBSA मा प्रशिक्षण सेवामा ३० प्रतिशत छुट
· यो सुविधा सिर्फ सक्रिय डिशहोम ग्राहकहरूका लागि, myDishHome App मार्फत उपलब्ध
छुट कसरी प्राप्त गर्ने
1. myDishHome App प्ले स्टोर वा एप स्टोरबाट डाउनलोड गर्नुहोस्।
2. दर्ता गरिएको मोबाइल नम्बर वा ग्राहक ID प्रयोग गरी लगइन गर्नुहोस्।
3. होम स्क्रिन वा प्रोफाइल सेक्सनमा रहेको आफ्नो Virtual Privilege Card खोल्नुहोस्।
4. कुनै पनि Tranquility Spa शाखामा कार्ड देखाएर तुरुन्तै छुट प्राप्त गर्नुहोस्।
डिशहोम भर्चुअल प्रिभिलेज कार्ड कम्पनीको ग्राहक सन्तुष्टि र समग्र जीवनशैली प्रवर्द्धन गर्ने व्यापक दृष्टिकोणको हिस्सा हो ।
यो पहलमार्फत डिशहोमले भोजन, आतिथ्य, यात्रा, वेलनेस, मनोरञ्जन र खुद्रा क्षेत्रका विभिन्न साझेदारहरूसँग सहकार्य गर्दै आफ्ना ग्राहकहरूलाई देशभर विशेष छुट, सुविधा र प्रिमियम अनुभवहरू प्रदान गर्दै आएको छ।
आगामी महिनाहरूमा डिशहोमले आफ्नो साझेदार नेटवर्क अझ विस्तार गर्दै ग्राहकहरूका लागि थप रोमाञ्चक विशेषाधिकार र जीवनशैली लाभहरू ल्याउने योजना बनाएको छ।
