१५ असार २०८३, सोमबार
इरानका सर्वोच्च नेता अयातोल्लाह अली खामेनीले अमेरिकी आक्रमणले क्षेत्रीय युद्ध निम्त्याउन सक्ने चेतावनी दिएका छन् ।
अमेरिकी राष्ट्रपति डोनाल्ड ट्रम्पले इरानविरुद्ध सैन्य कारबाहीको धम्की दिइरहेका बेला खामेनीले यस्तो चेतावनी दिएका हुन् ।
अमेरिकी विमानवाहक युएसएस अब्राहम लिंकनसहित धेरै युद्धपोत अरब सागरमा तैनाथ गरिएका छन् ।
तेहरानमा देशव्यापी विरोध प्रदर्शनमाथि इरानको दमनपछि ट्रम्पको आदेशमा अमेरिकी युद्धपोत पठाइएको थियो ।
खामेनीले भने, ‘अमेरिकीहरूले बुझ्नुपर्छ कि यदि उनीहरूले युद्ध सुरु गरे भने यस पटक यो क्षेत्रीय युद्ध हुनेछ ।’
