२८ जेठ २०८३, बिहीबार
जावलाखेल डिस्टिलरी प्रालिले नेपालको रेडी–टु–ड्रिङ्क (आरटीडी) श्रेणीमा नयाँ पहल गर्दै ‘रुस्लान–रिफ्रेसिङ अल्कोहोलिक बेभरेज’ सार्वजनिक गरेको छ।
कम्पनीका अनुसार नेपाली अल्कोहोल बेभरेज बजारमा पहिलोपटक ‘पीच आईस टी’ स्वादमा यो उत्पादन ल्याइएको हो ।
‘रुस्लान’को पहिलो संस्करण ५ प्रतिशत अल्कोहोल मात्रा (एबीभी)सहित विशेषगरी फरक सोच र नयाँ अनुभव खोज्ने युवापुस्तालाई लक्षित गरेर तयार गरिएको जनाएको छ।
आजका अभिव्यक्तिशील र अनुभव–केन्द्रित युवालाई ध्यानमा राख्दै तयार गरिएको यस बेभरेजले मौलिकता, व्यक्तित्व र आत्मविश्वासलाई प्रतिनिधित्व गर्ने कम्पनीले जनाएको छ ।
ट्रेन्ड पछ्याउनेभन्दा आफ्नै शैली स्थापित गर्न चाहने पुस्तालाई प्रेरित गर्ने उद्देश्य राखिएको उल्लेख गरिएको छ।
विश्वव्यापी रूपमा लोकप्रिय सफ्ट बेभरेज स्वादमध्ये पर्ने ‘पीच आइस टी’ लाई अल्कोहोलिक स्वरूपमा रूपान्तरण गर्दै यसलाई आधुनिक र सहज रूपमा पिउन मिल्ने बेभरेजका रूपमा प्रस्तुत गरिएको कम्पनीले जनाएको छ।
सन्तुलित ५ प्रतिशत अल्कोहोल मात्राले परिचित स्वादलाई नयाँ अनुभवमा रूपान्तरण गर्ने प्रयास गरिएको छ।
जावलाखेल डिस्टिलरीका अनुसार ‘रुस्लान’ ले नेपालमा आरटीडी बेभरेजको नयाँ अध्याय शुरू गर्ने अपेक्षा गरिएको छ।
कम्पनीले यसलाई नयाँ पुस्ताको बदलिँदो जीवनशैली र सामाजिक संस्कृतिसँग जोडिएको ब्रान्डका रूपमा अघि बढाउने योजना बनाएको छ।
२७५ मिलिलिटरको आकर्षक क्यानमा उपलब्ध यो बेभरेज हाल काठमाडौंका केही पसलहरूमा प्रतिक्यान २२५ रुपैयाँमा बिक्री भइरहेको छ।
