०८ असार २०८३, सोमबार
बंगलादेश राष्ट्रवादी पार्टी (बीएनपी) लगभग दुई दशकपछि आज सत्तामा फर्कँदैछ। तारिक रहमानले केही समयपछि ढाकास्थित राष्ट्रिय संसद् भवनको दक्षिण प्लाजामा प्रधानमन्त्रीको रूपमा शपथ लिनेछन् । शपथ ग्रहण समारोहको तयारी लगभग पूरा भएको बंगादेशी सञ्चार माध्यमहरूले जनाएका छन् ।
समाचारअनुसार नवनिर्वाचित बीएनपी सांसदहरू आफ्नो शपथ ग्रहण समारोहअघि संसद् भवन परिसरमा आइपुग्न थालेका छन् ।
मुख्य समारोह दिउँसो ४ बजे शुरू हुनेछ। राष्ट्रपति मोहम्मद शहाबुद्दीनले नवनिर्वाचित प्रधानमन्त्री तारिक रहमान र उनको प्रारम्भिक मन्त्रिपरिषद्लाई पदको शपथ ग्रहण गराउने छन् ।
शपथ ग्रहण समारोहका लागि १३ देशहरूलाई आधिकारिक निमन्त्रणा पठाइएको छ, जसमा भारत, चीन र पाकिस्तान र नेपाललगायत छन् । नेपालबाट परराष्ट्रमन्त्री बालानन्द शर्मा सपथ समारोहमा सहभागी हुनेछन् । त्यसका लागि उनी ढाका प्रस्थान गरेका छन् ।
भारतबाट लोकसभाका सभामुख ओम बिर्ला सहभागी हुने भारतीय सञ्चारमाध्यम द हिन्दूले जनाएको छ । त्यसैगरी पाकिस्तानबाट योजना तथा विकास मन्त्री असन इक्वा सहभागी हुने पाकिस्तानी सञ्चारमाध्यम डनले जनाएको छ ।
बीएनपी नेतृत्वको गठबन्धनले ३०० सदस्यीय राष्ट्रिय संसद्मा २१२ सिट जितेर दुई तिहाइ बहुमत हासिल गरेको छ।
