जेनजी आन्दोलनका क्रममा कारागार कार्यालय जगन्नाथदेवल, सुन्धाराबाट भागेका एक कैदी पक्राउ परेका छन् ।

लागूऔषध मुद्दामा कैद भुक्तान गरिरहेका काठमाडौं महानगरपालिका-२५ घर भई हाल तारकेश्वर नगरपालिका-९ मनमैजु बस्ने ३५ वर्षीय मनिषराज श्रेष्ठ पक्राउ परेका हुन् ।

उनी जनेजी आन्दोलनका क्रममा गत भदौ २४ गते कारागारबाट भागेका थिए ।

श्रेष्ठलाई प्रहरीको केन्द्रीय अनुसन्धान ब्यूरो (सीआईबी)को टोलीले चैत २ गते सोमबार राति ठमेलबाट पक्राउ गरेको थियो ।

लागूऔषध मुद्दामा १० वर्ष कैद सजाय कायम भई उनी गत असार २२ गतेदेखि कारागार कैद भुक्तान गरिरहेका थिए । 

उनलाई कारागार कार्यालय जगन्नाथदेवल, सुन्धारा पेस गरिएको सीआईबीका प्रवक्ता, एसएसपी शिव कुमार श्रेष्ठले जानकारी दिएका छन् ।