२८ जेठ २०८३, बिहीबार
शहीद स्मारक राष्ट्रिय महिला लिग फुटबल प्रतियोगिताको बिहीबार सम्पन्न खेलमा बागमती युथ क्लबले जीत हासिल गरेको छ ।
ललितपुरस्थित च्यासल स्टेडियममा सम्पन्न खेलमा बागमती युथ क्लबले आर.एस. रिसोर्ट एन्ड बिच फुटबलमाथि ५–४ गोलको प्रतिस्पर्धात्मक जीत हासिल गर्यो ।
विजयी टोलीका लागि अस्मिता मगर र दीक्षा रनपालले दुई–दुई गोलको योगदान गरे । अर्को एक गोल भने प्रजिता राईले गरेकी थिइन् ।
अस्मिताले निर्धारित समयको नवौँ र ७०औँ तथा दीक्षाले ६०औँ र ७६औँ मिनेटमा गोल गरे । प्रतिजाले भने निर्धारित समयको ५२औँ मिनेटमा गोल गरेकी थिइन् ।
यसैगरी, पराजित टोलीका लागि गीता श्रेष्ठले दुई गोल गरिन् । उनले निर्धारित समयको सातौँ र ८३औँ मिनेटमा गोल गरेकी हुन् ।
यसका अतिरिक्त, तुलसी कुमार वलीले ४८औँ र वर्षा कुँवरले ६८औँ मिनेटमा थप एक–एक गोल गरेका थिए ।
प्रतियोगितामा संकटा क्लब, न्यू रोड टिम (एनआरटी), सशस्त्र प्रहरी बलको एपीएफ क्लब, नेपाल पुलिस क्लब, त्रिभुवन आर्मी क्लब, बागमती युथ क्लब, चर्च ब्वाइज युनाइटेड क्लब, झाप फुटबल क्लब र आर. एस. रिसोर्ट एन्ड बिच फुटबलको सहभागिता रहेको छ ।
प्रतियोगिताका खेलहरु च्यासल फुटबल मैदानका अतिरिक्त, त्रिपुरेश्वरस्थित दशरथ रंगशाला र सातदोबाटोस्थित एन्फा कम्प्लेक्स मैदानमा पनि खेलाइने एन्फाले जनाएको छ ।
