नेपालको इन्टरनेट सेवा प्रदायक, सुबिसु लिमिटेडले अत्याधुनिक वाईफाई-६ प्रविधिमा आधारित आफ्नो नयाँ पुस्ताको इन्टरनेट सेवा सार्वजनिक गरेको छ ।

यसका साथै, कम्पनीले नेपालमै पहिलो पटक इन्टरनेट सुरक्षालाई मुख्य सेवाको रूपमा समावेश गर्दै ‘Secure Internet– SUBISU सुरक्षा’को नवीन अवधारणा ल्याएको छ ।

नेपालमा Wi-Fi 6 प्रविधि उपलब्ध भए तापनि, सुरक्षालाई विशेष प्राथमिकता दिँदै उच्चस्तरको सुरक्षित इन्टरनेट अनुभव प्रदान गर्ने SUBISU नेपालको पहिलो संस्था बनेको बताएको छ ।

Wi-Fi 6 र ‘SUBISU सुरक्षा’का मुख्य विशेषतामा अभूतपूर्व गति र क्षमता रहेको छ । Wi-Fi 6 प्रविधिले उच्च गतिको इन्टरनेट अनुभव प्रदान गर्नुका साथै उत्कृष्ट वाईफाई कभरेज र एकै समयमा धेरै डिभाइसलाई सहज रूपमा कनेक्ट गर्ने क्षमता राख्ने कम्पनीले जनाएको छ । 

यसले लो-लेटेन्सी (Low Latency) सुनिश्चित गर्दै प्रयोगकर्तालाई निरन्तर र सहज अनलाइन अनुभव प्रदान गर्ने कम्पनीको भनाइ  छ । साथै, डिभाइसहरूको ब्याट्री बचत गर्न पनि मद्दत गर्ने बताइएको छ । 

SUBISU सुरक्षा (Protective Layer):यो एक विशेष सुरक्षात्मक तह हो, जसले इन्टरनेट प्रयोगकर्ताहरूलाई हानिकारक वेबसाइट, साइबर जोखिम र अनधिकृत पहुँचबाट सुरक्षित राख्छ । 

यसले व्यक्तिगत गोपनीयता र डेटा सुरक्षा सुनिश्चित गर्दै परिवार र व्यावसायिक प्रयोजनका लागि सुरक्षित ब्राउजिङको वातावरण निर्माण गर्छ ।

इन्टरनेट सेवामा नयाँ मानक

‘डिजिटल युगमा केवल तीव्र इन्टरनेट मात्र पर्याप्त छैन’, SUBISU Limited का Vice President, राम कृष्ण परियारले भने, ‘हामीले ग्राहकलाई तीब्र गतिको मात्र नभई, सुरक्षित इन्टरनेट अनुभव पनि प्रदान गर्ने लक्ष्य राखेका छौं ।’

Wi-Fi 6 र Secure Internet को संयोजनमार्फत SUBISU ले नेपालमा इन्टरनेट सेवाको नयाँ मापदण्ड स्थापित गर्ने लक्ष्य लिएको छ; जहाँ गति, स्थिरता र सुरक्षा एकैसाथ उपलब्ध हुने परियारको भनाइ छ । 

परियारले ग्राहक आवश्यकता र स्तरलाई ध्यानमा राख्दै तीन फरक प्याकेजमा सेवा उपलब्ध गराइएको जानकारी दिए । उनका अनुसार Smart WiFi 6, Pro WiFi 6 र Elite WiFi 6 प्याकेज उपलब्ध छ  । 

यस पहलले नवप्रवर्तन, ग्राहक सुरक्षा र भविष्यमुखी डिजिटल सेवाप्रति कम्पनीको प्रतिबद्धतालाई पुन: पुष्टि गरेको परियारले बताए ।