२५ जेठ २०८३, सोमबार
सरकारले नेपालमै बसेर विदेशी रोजगारदाताका लागि काम गर्न सकिने गरी रिमोट वर्कसम्बन्धी कानूनी व्यवस्था गर्ने भएको छ ।
आर्थिक वर्ष २०८३/०८४ को वार्षिक नीति तथा कार्यक्रममा यो विषय समावेश गरिएको छ ।
राष्ट्रपति रामचन्द्र पौडेलले सोमबार संघीय संसद्को संयुक्त बैठकमा नीति तथा कार्यक्रम वाचन गर्दै रिमोट वर्कसम्बन्धी कानूनी व्यवस्था गरिने घोषणा गरे ।
यस कदमले युवाहरूलाई वैदेशिक रोजगारीका लागि देश छाड्नुपर्ने बाध्यता कम गर्दै स्वदेशमै बसेर विदेशी आम्दानी गर्ने अवसर प्रदान गर्ने अपेक्षा गरिएको छ ।
अहिले पनि आईटी क्षेत्रमा थुप्रै युवाले नेपालमा बसेर विदेशको काम गर्दै आएका छन् । तर, यससम्बन्धी स्पष्ट कानूनी व्यवस्था छैन ।
