०३ असार २०८३, बुधबार
नेपाली युवामाझ लोकप्रिय एक्स्ट्रिम इनर्जी ड्रिंक्सले आगामी विश्वकप फूटबल प्रतियोगिता २०२६ को माहोललाई थप रोमाञ्चक बनाउन 'स्क्यानमा सुन' नामक आकर्षक उपहार योजना सार्वजनिक गरेको छ ।
फूटबलप्रेमी तथा ग्राहक लक्षित यस अभियानअन्तर्गत एक्स्ट्रिम इनर्जी ड्रिंक्सको क्यानमा रहेको क्यूआर कोड स्क्यान गरी आफ्नो विवरण भरेपछि ग्राहकहरू गोलाप्रथामा सहभागी हुन सक्नेछन् ।
यस अभियानमार्फत् सहभागीहरूमध्ये ३ जना भाग्यशाली विजेतालाई सुनको बल पुरस्कार प्रदान गरिने कम्पनीले जनाएको छ ।
साथै, यो योजना जेष्ठ १ गतेदेखि विश्वकप फूटबल प्रतियोगिता २०२६ को खेल अवधिभर सञ्चालन हुने छ ।
विश्वकप फूटबल २०२६ को विश्वव्यापी उत्साहलाई नेपाली बजारसँग जोड्दै ग्राहकलाई थप उत्साहित र सहभागी बनाउने उद्देश्यले यो योजना ल्याइएको कम्पनीको जनाएको छ ।
कम्पनीका अनुसार 'स्क्यानमा सुन' अभियानले फूटबलप्रेमी युवाहरूमा मनोरञ्जन, सहभागिता र पुरस्कारको उत्साह एकैसाथ प्रदान गर्ने विश्वास लिइएको छ ।
एक्स्ट्रिम इनर्जी ड्रिंक्सले विगतदेखि नै युवा लक्षित विभिन्न नवीनतम् अभियान सञ्चालन गर्दै आएको छ भने यस अभियानले पनि बजारमा थप उत्साह सिर्जना गर्ने अपेक्षा गरिएको छ ।
अभियानसम्बन्धी थप जानकारीका लागि एक्स्ट्रिम इनर्जी ड्रिंक्सको आधिकारिक सामाजिक सञ्जाल भिजिट गर्न कम्पनीले आग्रह गरेको छ ।
