आईसीसी क्रिकेट विश्वकप लिग–२ शृंखलाको सोमबार स्कटल्यान्डविरुद्धको खेलमा नेपाली टोलीका कप्तान रोहितकुमार पौडेलले अर्धशतक बनाएका छन् ।

कीर्तिपुरस्थित अन्तर्राष्ट्रिय क्रिकेट मैदानमा रोहितले ७६ बलमा एक छक्का र दुई चौकाको मद्दतमा अर्धशतक पूरा गरेका हुन् ।

चौथो नम्बरमा क्रिज समाल्न आएका २३ वर्षीय ब्याट्सम्यान रोहितले एकदिवसीय अन्तर्राष्ट्रिय क्रिकेटमा बनाएको यो १२औँ अर्धशतक हो ।

स्कटल्यान्डविरुद्धको जारी खेलमा नेपालले ३०.३ ओभरमा तीन विकेट गुमाएर एक सय ६७ रन बनाएको छ ।

इशान पाण्डे ५५ रन बनाउँदै आउट भए । स्कटल्यान्डले दिएको एक सय ९५ रनको लक्ष्य पछ्याउँदै नेपालले जवाफी ब्याटिङ गरेको हो ।