१७ असार २०८३, बुधबार
इरानले अमेरिकासँग हुन सक्ने सम्भावित समझदारीपत्रका धेरै विषयमा निष्कर्षमा पुगेको जनाएको छ । तर, त्यसको अर्थ तेहरान तत्काल कुनै सम्झौतामा हस्ताक्षर गर्न नजिक पुगेको भन्ने नरहेको स्पष्ट पारेको छ ।
सोमबार इरानी विदेश मन्त्रालयका प्रवक्ता इस्माइल बाघाईले सम्भावित समझदारीपत्रका विभिन्न विषयमा छलफल भएर धेरै मुद्दामा निष्कर्ष निकालिएको बताएका हुन् ।
तर उनले इरान तत्काल सम्झौता गर्ने चरणमा नपुगेको संकेत दिएका छन् ।
बाघाईका अनुसार अहिले इरानको मुख्य प्राथमिकता युद्ध अन्त्य गर्ने विषयमा केन्द्रित छ । उनले हाल तेहरानले परमाणु मुद्दाबारे छलफल नगरेको पनि दोहोर्याए ।
उनले अमेरिकी अधिकारीहरूको बदलिँदो धारणा र अभिव्यक्तिले कुनै पनि सम्भावित सहमतिमा समस्या सिर्जना गरिरहेको आरोप लगाए ।
