२५ जेठ २०८३, सोमबार
राष्ट्रिय स्वतन्त्र पार्टी (रास्वपा) ले पार्टी सभापति रवि लामिछानेको भारत भ्रमणबारे औपचारिक जानकारी गराएको छ।
भारतीय जनता पार्टी (भाजपा) का अध्यक्ष नीतिन नबिनको निमन्त्रणामा सभापति लामिछाने नेतृत्वको टोली भोलि (जुन १ देखि ५ सम्म) भारत भ्रमणमा निस्कन लागेको रास्वपाले जानकारी गराएको हो ।
रास्वपा प्रवक्ता मनिष झाद्वारा जारी प्रेस विज्ञप्ति अनुसार, ५ दिने भ्रमणका क्रममा सभापति लामिछानेले नयाँ दिल्लीमा भाजपाको शीर्ष नेतृत्वसँग उच्चस्तरीय राजनीतिक तथा कूटनीतिक भेटवार्ता गर्ने कार्यक्रम छ ।
राजनीतिक भेटघाटबाहेक उनले भारतमा रहेका नेपाली समुदाय र पार्टीका शुभेच्छुकहरूसँग समेत अन्तरक्रिया गर्नेछन्। भ्रमणकै क्रममा उनले अयोध्याको व्यक्तिगत भ्रमण समेत गर्ने रास्वपाले जनाएको छ।
भ्रमण टोलीमा सभापति लामिछानेका साथै प्रतिनिधि सभा सदस्य एवं पार्टीका सह-महामन्त्री बिपिन कुमार आचार्य, सांसद दीपक बोहोरा, निकिता पौडेल र प्रदीप आचार्य सहभागी हुनेछन्।
