१८ असार २०८३, बिहीबार
कोशी प्रदेशसभाको आजको बैठकमा सत्तापक्षकै सांसदहरूले अवरोध गर्ने भएका छन् । दिउँसो १ बजेका लागि बैठक बोलाइएको छ ।
बैठक शुरू हुनसाथ उठेर विरोध गर्ने अर्थ समितिका सभापति विनोद वान्तवाले बताए ।
आगामी आर्थिक वर्ष २०८३/८४ का लागि प्रस्तुत गरेको बजेट संशोधन गर्ने वा जस्ताको तस्तै पारित गर्ने विषयमा सत्तापक्षमा विवाद जारी छ । जुन विवादका कारण प्रदेशसभाको बैठक लगातार स्थगित हुँदै आएको थियो ।
असार ११ गतेको बैठक स्थगित भएर असार १६ गतेका लागि तोकिएको थियो भने १६ गते पनि सहमति जुट्न नसकेपछि बैठक पुनः असार १८ गतेसम्मका लागि स्थगित गरिएको थियो ।
'आजको बैठकमा हामी उठेर विरोध गर्छौं,' वान्तवाले भने, 'त्यसपछि अर्थसमिति र पूर्वाधार विकास समितिका सभापति होमथापाले बोल्नुहुन्छ । बैठक चलिरहे नाराबाजी समेत गर्ने,' उनले बताए ।
