मंसिर १८, २०८०
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
बैशाख २७, २०७६
जनकपुरधाम – जनकपुरधाम उपमहानगरपालिकामा सफाइ कर्मचारीको ज्यालामा भ्रष्टाचार भएको दाबी गरिएको छ ।
उपमहानगर क्षेत्रमा सफाइमा ४७ जना कर्मचारी कार्यरत भएपनि ७५ जनाको नाममा कार्यालयबाट ज्याला बाँडेर भ्रष्टाचार भएको सफाइ कर्मचारीले नै खुलासा गरेका छ ।
चालू आर्थिक वर्ष २०७५/०७६ को साउन महिनादेखि पुससम्म दैनिक ज्यालादारीमा भर्ना गरिएका सफाइ कर्मचारीको तलब भुक्तानी गर्दा अनियमितता गरिएको आरोप लगाइएको छ । भर्ना गरिएको संख्याभन्दा पनि बढी संख्यामा सफाइ कर्मचारी देखाएर तलब वितरण गरिएको छ ।
उपमहानगरपालिकाले भने सफाइ कर्मचारीको सबै विवरण र दिइएको ज्यालाबारे जानकारी उपलब्ध गराएन । उपमहानगरले प्रत्येक दिन ६ सय रुपैयाँ दैनिक ज्याला दिने गरी सफाइ कर्मचारीलाई खटाएको छ ।
उपमहानगरले सफाइ कर्मचारीका लागि साउन महिनामा १३ लाख ६६ हजार ८ सय रुपैयाँ, भदौंमा १३ लाख ५७ हजार ८ सय रुपैयाँ, असोजमा १३ लाख ६० हजार ४ सय रुपैयाँ, कात्तिकमा १२ लाख ९६ हजार रुपैयाँ, मंसिरमा १३ लाख २२ हजार ४ सय रुपैयाँ र पुसमा १३ लाख ७२ हजार रुपैयाँ तलबबापत भुक्तानी दिएको उपमहानगरको अभिलेखमा छ । उपमहानगरले औसत ७५ कर्मचारीलाई दैनिक ज्याला दिने गरेको छ ।
सफाइको काम गरेबापत साउनमा ७५ जना, भदौंमा ७५ जना, असोजमा ७५ जना, कात्तिकमा ७२ जना, मंसिरमा ७३ जना, पुसमा ७६ जनालाई दैनिक ज्याला भुक्तानी गरिएको छ ।
हुँदै नभएका सफाइ कर्मचारीको नाउँमा पनि ज्याला उठाएर नगरपालिकाका कर्मचारीले भ्रष्टाचार गरेको सफाइ कर्मचारीले नै पोल खोलेका छन् । १ जना सफाइ कर्मचारीले लोकान्तरसँग भने, ‘हामी जम्मा ४७ जना मात्र ज्यालादारीमा साउनदेखि भर्ना भएका थियौं तर ७५ जनासम्मको तलब भुक्तानी गरेर सफाइ प्रमुख ललन कर्णले भ्रष्टाचार गरेका छन् ।’
सफाई शाखाका प्रमुख ललनकुमार कर्णको सिफारिसमा सफाइ कर्मचारी मेहदी हुसैनले प्रत्येक महिनाको एकमुष्ठ रकम बुझेर सफाइ कर्मचारीलाई तलब वितरण गर्ने गरेका छन् । ती कर्मचारीले कीर्ते औंठाछाप लगाएर ज्याला भुक्तानीको सूची पठाउने गरेको एक कर्मचारीले बताए ।
उपमहानगरपालिकाका लेखापाल दिनेश चौधरीका अनुसार सफाइ शाखा हेर्ने कर्मचारी मेहदी हुसैनको नाउमा एकमुष्ठ चेक काटेर दिने गरिएको छ । ‘हुसैनले बैंक खाताबाट नगद झिकेर सबै सफाइ कर्मचारीलाई नगद नै रकम वितरण गर्ने गर्थें,’ लेखापाल चौधरीले भने, ‘नगद बुझाइएको भरपाई उनले नै प्रमाणित गर्ने काम समेत गर्थे ।’
माघ १० गतेदेखि संघीय सरकारले डोर हाजिरीमा कर्मचारीलाई नखटाउने परिपत्र जारी गरेपछि ज्याला रोक्का गरिएको छ । सफाइ शाखाका कर्मचारी हुसैनले हाल ५६ जना सफाइ कर्मचारी ज्यालादारीमा खटेको भनेर लेखा शाखामा सूची बुझाएको चौधरीले बताए । हुसैन सफाइ शाखाको सुपरीवेक्षण गर्ने कर्मचारी हुन् । अहिले ५६ जनाको सूची आएको भएपनि माघपछि भुक्तानी भने नदिइएको लेखापाल चौधरीले बताए ।
जनकपुरधाम उपमहानगरपालिका वडा नम्बर ९ का वडाध्यक्ष परमेश्वर साहले भने, ‘सफाइ प्रमुख ललन कर्ण र मेहदी हुसैनले सफाइ कर्मचारीलाई भएको संख्याभन्दा पनि बढी मानिसलाई ज्याला भुक्तानी गरेको कुरा मैले पनि सुनेको छु ।’ अख्तियार दुरुपयोग अनुसन्धान कार्यालय बर्दिवासले त्यसको छानबिन गर्नुपर्ने वडाध्यक्ष साहले बताए ।
हुसैनले भने, ‘त्यतिबेला ७७ जना मानिसलाई दैनिक ज्यालादारीमा सफाइ कर्मचारी भनेर माघ १० गतेसम्म खटाइएको थियो । माघ ११ गतेदेखि भुक्तानी नगर्ने भनेपछि धेरैले काम छोडेर गए ।’ हाल ५६ जना सफाइकर्मीले मात्र दैनिक ज्यालादारीमा काम गरिरहेको हुसैनले बताए । आफूले कुनै पनि भ्रष्टाचार नगरेको उनले दाबी गरे ।
सफाई शाखा प्रमुख ललन कर्ण भ्रष्टाचार नभएको दाबी गर्छन् । माघ ११ गतेदेखि दैनिक ज्यालादारीमा रहेका कर्मचारीलाई भुक्तानी नदिने भनेपछि आबेगमा आएर सफाइकर्मीले त्यस्तो आरोप लगाएको उनले बताए । ‘त्यतिबेला ७७ जना सफाइ कर्मचारी खटिएका थियो,’ कर्णले भने, ‘हाल ५६ जना खटिरहेका छन् ।’
उपमहानगरकै एक कर्मचारी भ्रष्टाचार भएको दाबी गर्छन् । भुक्तानी गर्दा गरिएको भरपाईमा एउटा व्यक्तिको नै २ देखि ३ पटकसम्म औंठाछाप लगाइएको उनले बताए । ‘भरपाई गरिएको औंठाछापको नै अनुसन्धान गरियो भने त्यसको पुष्टि हुन्छ,’ ती कर्मचारीले बताए । हाल ५६ जना दैनिक ज्यालादारीबाहेक करारमा १२ जना र स्थायी ३७ जना सफाइकर्मी उपमहानगरमा रहेका छन् ।
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
बाँसबारी छालाजुत्ता कारखानाको जग्गा हडपेको आरोप लागेका नेपाली कांग्रेसका सांसद तथा डलर अर्बपति विनोद चौधरी केही दिनअघि भारत हानिए । ५ दिनअगाडि उनले भारतका केन्द्रीय जलशक्ति मन्त्री गजेन्द्र सिंह शेखावतसँग ...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...