०७ साउन २०८३, बिहीबार
कोरोना भाइरस (कोभिड १९)को उच्च जोखिममा रहेको सुदूरपश्चिममा संघीय सरकारले ३३ जना चिकित्सकको टोली पठाएको छ ।
संक्रमितको संख्या बढ्दै गएपछि सरकारले पठाएको ३३ जना चिकित्सकको टोली बिहीवार धनगढी पुगेको हो । सीमित चिकित्सक र स्रोत साधनका कारण सुदूरपश्चिममा कोरोना संक्रमितहरुको उपचारमा कठिनाई भइरकोले संघीय सरकारले ३३ जना चिकित्सकहरुलाई कोरोना संक्रमितहरुको उपचारका लागि पठाएको हो ।
संघीय स्वास्थ्य मन्त्रालयले उनीहरुलाई धनगढी पठाएसँगै सामाजिक विकास मन्त्रालयले आवश्यकताको आधारमा भोलिदेखि नै जिल्ला–जिल्लामा खटाउने तयारी भइरहेको जनाएको छ ।
प्रदेश स्वास्थ्य निर्देशनालयका निर्देशक डाक्टर गुणराज अवस्थीले सेती प्रादेशिक अस्पताललगायत आवश्यक परे अन्य अस्पतालहरुमा समेत उनीहरुलाई खटाइने बताए । सुदूरपश्चिम प्रदेशमा अहिलेसम्म कोरोना सङ्क्रमितको संख्या ५ पुगिसकेको छ ।
