२८ असार २०८३, आइतबार
काठमाडौं— कपिल शर्मालाई सुनिल ग्रोवरले छोडेर गएपछि उनलाई फकाउन भरमग्दूर कोशिश गरिएको भएपनि सुनिलले टेर्दै टेरेनन् । अब दिक्क मानेर कपिलले सुनिलविना नै शो चलाउने मनसुबा बनाएका छन् ।
त्यसो त सुनिलसँगै चन्दन प्रभाकर, अली असगर र सुगन्धा मिश्राले पनि कपिललाई छोडेका छन् ।
यिनीहरू नभएपनि कपिललाई फाइदै भइरहेको बताइन्छ । प्रति एपिसोड उनले एक करोड भारु पाउनेछन् ।
सहकलाकार नभएपछि सबै पैसा कपिलकै गोजीमा जानेछ । उनले कसैलाई पैसा बाँड्नै परेन ।
सुनिलले कपिलको शोको सम्झौता नवीकरण गर्न मानेका छैनन् ।
उता कपिलको शोको १०० एपिसोड पनि पूरा भएका छन् । कपिलले यसको उपलक्ष्यमा भव्य पार्टी गर्न खोजेका थिए ।
तर सोनी च्यानलले अन्तिममा आएर यसलाई क्यान्सिल गरिदियो ।
सुनिल, चन्दन र अलीको अनुपस्थितिमा सोनीले कपिललाई मस्ती गर्न दिएन ।
एजेन्सी
