०६ असार २०८३, शनिबार
पोखरामा सोमवार राति उपचारका क्रममा मृत्यु भएकी ५० वर्षीया महिलामा कोभिड–१९ संक्रमण पुष्टि भएको छ ।
सेवा अस्पतालमा गत शनिवार भर्ना भएकी तनहुँको व्यास नगरपालिकाकी महिलाको सोमवार राति मृत्यु भएको थियो ।
आएकै दिन उनको स्वाब नमूना संकलन गरी क्षयरोय उपचार केन्द्रको ल्याबमा पठाइएकोमा मंगलवार बिहान कोरोना पुष्टि भएको गण्डकी प्रदेश स्वास्थ्य निर्देशनालयले जनाएको छ ।
सेवा अस्पताल स्रोतका अनुसार गत शनिवार दिउँसो अस्पतपाल आएकोमा उनको अवस्था गम्भीर थियो । उनमा निमोनियाको लक्षण देखिएको थियो ।
अन्य अस्पतालले भर्ना लिन नमानेपछि उनलाई सेवा अस्पतालमा भर्ना गरिएको बताइएको छ । शव अहिले पनि अस्पतालमै छ ।
अन्त्येष्टिका लागि प्रदेशस्तरीय सीसीएमसीको बैठक बसिरहेको स्वास्थ्य निर्देशक डा. विनोदबिन्दु शर्माले जानकारी दिए । गण्डकीमा योसहित कोरोनाबाट मृत्यु हुनेको संख्या ६ पुगेको छ । तनहुँ जिल्लाको भने यो पहिलो मृत्यु हो ।
