२७ असार २०८३, शनिबार
नेदरल्यान्ड्सको एम्स्टर्ड्याममा कट्टु मात्र लगाएर स्केटिङ गरिरहेका एक व्यक्ति हिउँ फुटेपछि चिसो पानीमा चोपलिएका छन् ।
नाम नखुलाइएका ती व्यक्ति हिउँको पातलो सतहमा चिप्लिँदै गर्दा त्यो चर्केर पानीमुनि बिलाएको दृश्य भिडियोमा कैद भएको छ ।
पानीमा डुबिन्छ भन्ने थाहा पाएमा व्यक्तिले त्यसैअनुसार तयारी गरेको देखिन्छ किनकि उनले कालो कट्टु र स्केटहरू मात्र लगाएका थिए ।
पानीमा खस्नेबित्तिकै उनी साथीको सहायताले बाहिर निस्कन सफल भएका थिए ।
डचहरूलाई आइस स्केट गर्न औधी रुचि छ र आइतवार उनीहरू जमेका नहरमा स्केटिङ गर्न गएका थिए । तीन वर्षमा पहिलोपटक नहर जमेको हो ।
तर केही स्केटरहरू हिउँमा अलि बढी नै बजारिएछन् जसले गर्दा उनीहरू अस्पताल जानुपरेको थियो । आकस्मिक सेवा भरिभराउ भएकाले अनावश्यक जोखिम नलिन अधिकारीहरूले आग्रह गरे पनि मानिसले टेरेनन् ।
एम्स्टर्ड्याममा स्केटरहरू सुप्रसिद्ध प्रिनसेनग्राख्त नहरमा स्केटिङ गर्न गएका थिए । तर हिउँ बाक्लो गरी सबैतिर जमेको थिएन ।
