२७ असार २०८३, शनिबार
फेसनको जमानामा मान्छे सुन्दर देखिन अनेक उपाय निकाल्छन् । तर बेलारुसकी एक युवतीलाई यस्तै उपायले उल्टै बेफाइदा गरेको छ ।
बेलारुसकी २९ वर्षीया एनास्तसिया बलिङ्स्कया टेलिभिजन स्टार हुन् । उनले झन् सुन्दर देखिन सौैन्दर्य सर्जरी गर्ने निधो गरिन् ।
तर उनको सर्जरीले सुन्दरता बढाउनुको सट्टा झन् कुरुप पारिदियो । अहिले उनको नाक पाकेको छ भने पुनः अर्काे सर्जरी गर्न उनले साथीहरूसँग आर्थिक सहयोगको अपिल गरेकी छन् ।
सर्जरीमा गडबडी भएका कारण समस्या देखिएको एनास्तसियाले बताएकी अन्तर्राष्ट्रिय सञ्चारमाध्यमले जनाएका छन् । उनले इन्स्टाग्राममा आफ्ना नाक पाकेको फोटो राखेकी छन् ।
सर्जरीपछि उनको नाक सुन्निएको छ । तसर्थ नाक बचाउन उनले पुनः अर्काे सर्जरी गर्नुपर्ने भएको छ ।
डाक्टरले दिएको सल्लाह अनुसार उनले १–२ महिनाभित्रै अर्काे सर्जरी गराइसक्नुपर्नेछ । पुनः सर्जरी नगराए उनको पूरै नाक पाक्ने चेतावनी चिकित्सकले दिएका छन् ।
एनास्तसियाले सर्जरीका लागि आफूसँग पर्याप्त पैसा नभएकाले सहयोग गर्न अपिल गरेकी छन् ।
