०१ असार २०८३, सोमबार
गण्डकी प्रदेश सभाको विशेष अधिवेशन डाँकिएको छ ।
प्रदेश प्रमुख अमिक शेरचनले आगामी वैशाख १३ गतेका लागि प्रदेशको विशेष अधिवेशन बोलाएका हुन् ।
मुख्यमन्त्री पृथ्वीसुब्बा गुरुङविरुद्ध वैशाख २ गते अविश्वासको प्रस्ताव दर्ता गरेसँगै प्रमुख प्रतिपक्ष दल नेपाली कांग्रेससहित नेकपा माओवादी केन्द्र, जनता समाजवादी पार्टी (जसपा) ले विशेष अधिवेशनको माग गरेका थिए ।
त्यसअघि संसदको चालू सातौं अधिवेशन मुख्यमन्त्री गुरुङले वैशाख १ गते मध्यरातदेखि लागू हुने स्थगित गरेका थिए ।
प्रदेश सभामा ६० सदस्य छन् । तीमध्ये मुख्यमन्त्री गुरुङको दल नेकपा एमालेका २७, कांग्रेसका १५, माओवादी केन्द्रका १२, जसपाका २, राष्ट्रिय जनमोर्चाका ३ तथा स्वतन्त्र १ सांसद छन् ।
