२१ असार २०८३, आइतबार
भारतमा कोरोनाभाइरसको कहर मच्चिरहेको बेलामा मानिसहरू धर्मको शरण पर्न थालेका छन् ।
उत्तर प्रदेशको बनारसमा महिलाहरू कोरोना माईको पूजा गर्न थालेका छन् ।
काशीका गंगाघाटमा कोरोना महामारीलाई आस्थासँग जोडेर महिलाहरूले प्रार्थना गरिरहेका हुन् ।
बिहान बेलुका महिलाहरू पूजापाठ गरिरहेका छन् । यस महामारीबाट देवीले चाँडै मुक्ति दिलाउनुहुन्छ भन्ने विश्वास उनीहरूले लिएका छन् ।
उनीहरूले कोरोनालाई देवीको संज्ञा दिएर प्रसन्न पार्नका लागि २१ दिनसम्म पूजन गर्ने संकल्प लिएका छन् ।
जैन घाटमा महिलाहरू भेला हुन्छन् र लामो समयसम्म दियो, फूलमाला, सरसामानका साथ प्रार्थना गर्छन् ।
यसो गर्दा कोरोनाको प्रकोपबाट बच्न सकिन्छ भन्नेमा यी श्रद्धालु महिलाहरूको विश्वास छ ।
