चीनको एक अस्पतालमा गर्भवती पत्नीलाई बस्ने ठाउँ नभएपछि पति आफैं भुइँमा बसेर पत्नीलाई ढाडमा राखेर कुर्सी बनेको भिडियो सार्वजनिक भएको छ । 

चिकित्सकसँग परामर्श लिन गएकी गर्भवती पत्नी उभिन सक्ने स्थितिमा थिइनन् । 

नजिकैका सीटमा अन्य मानिसहरू बसिरहेको भए पनि कसैले उनलाई सीट खाली गरेन । 

त्यसपछि पति आफैं कुर्सी बनेर पत्नीलाई ढाडमा बस्न लगाए । 

अनि महिलाले पतिको ढाडमा बसेर भित्तोमा हात अड्याएर गोडालाई अलिकति भए पनि आराम दिइन् । 

पतिले पत्नीलाई पानीको बोतल पनि दिएको देखिन्छ । 

भिडियो क्लिप हगाङ प्रहरीले पोस्ट गरेको हो । उत्तरपूर्वी चीनमा रहेको हेलोङजियाङमा भिडियो खिचिएको हो । 

भिडियो सार्वजनिक भएपछि मानिसहरूले पतिको प्रशंसा गरेका छन् भने सीट नछोड्ने अरू मानिसलाई निन्दा गरेका छन् । 
 

Endearing moment husband turns himself into a ‘human chair’ for his heavily pregnant wife pic.twitter.com/CYuoNZoJD4

— The Sun (@TheSun) June 18, 2021