१६ असार २०८३, मंगलबार
भारतको उत्तर प्रदेशमा रहेको औरैयामा विवाह समारोह चल्दै गर्दा अनौठो घटना भएको छ ।
विवाहको मंगलगीत गाइँदै गर्दा दुलाहा जन्ती सहित दुलहीको घर आइपुगेका थिए । दुलाहाले मोटो चश्मा लगाएको देखेपछि दुलही पक्षको सातो गयो । दुलाहाले चश्मा लगाई पत्रिका पढ्न नसक्ने कुरा दुलही पक्षले थाहा पायो ।
अर्चनाको बिहे शिवमसँग पक्का भएको थियो । दाइजोमा मोटरसाइकल र नगद समेत दिइसकिएको थियो । आइतवार जन्ती अर्चनाको घर पुग्दा शिवमले एकछिन पनि चश्मा खोलेनन् ।
शिवमलाई चश्मा खोल्न लगाउँदा उनले चश्माविना केही पनि देख्दिनँ भने । उनको दृष्टि निकै कमजोर पाइयो ।
त्यसपछि अर्चनाले शिवमसँग विवाह गर्न मानिनन् । अनि दुलही पक्ष एकोहोरो लागेर शिवमसँग कुनै हालतमा विवाह नहुने बतायो । दाइजो दिँदा अनि विवाह समारोह गर्दा लागेको सबै खर्च फिर्ता दिन पनि दुलही पक्षले लगायो ।
दुलाहा पक्षले नमानेपछि दुलही पक्षले प्रहरीसमक्ष उजुरी समेत दर्ता गराएको छ ।
