३० असार २०८३, मंगलबार
विश्वका ठूला १०० कम्पनीका डाटा चोरी गरिएको छ । डार्क वेबसाइटको रिपोर्टअनुसार चोरी भएको डाटा फर्काउन ७० मिलियन अमेरिकन डलर माग गरिएको छ ।
उक्त रकमको माग एक ब्लक ‘आरईभिल साइबरक्राइब ग्यांग’ले गरेको हो । यो एउटा रुसको लिंक्ड ग्रुप हो, जसले विश्वभर साइबर हमला गर्ने गरेको छ ।
यो संरचना एकदमै व्यवस्थित छ, जसकारण ह्याकरहरूका तर्फबाट को बोलिरहेको छ भन्ने पत्ता लगाउन मुस्किल हुन्छ ।
तर, साइबर सिक्योरिटी फर्म अलान लिस्काका अनुसार यसअघिको रेकर्ड आरईभिलका उच्च नेतृत्वकर्ताबाट आएको थियो । यद्यपि यस विषयमा साइबर क्रिमिनल ग्रुपका तर्फबाट केही कुरा आएको छैन ।
साइबर क्रिमिनल ग्रुपले सबभन्दा पहिले ‘मियामीबेस्ट इन्फरमेसन टेक्नोलोजी फर्म’ ह्याक गरेको थियो । त्यसपछि एकपछि अर्को गर्दै १०० कम्पनीमा साइबर हमला गरिएको हो । साइबर सेक्युरिटी फर्म ईसेटका अनुसार ह्याकरहरूले १२ भन्दा बढी देशमा साइबर हमला गरेका छन् ।
साइबर हमलाका कारण स्वीडिस कप किराना चेनको धेरै स्टोरहरू बन्द गर्नु पर्यो, किनकि साइबर हमलाका कारण अनलाइन ट्रान्जेक्सन बन्द गरिएको थियो ।
यसअघि पनि आरईभिलले एक ब्राजिलको मिटप्याकर जेबीएसको सिस्टमा हमला गरेको थियो । सो कम्पनीले ह्याकरहरूलाई करिब ११ मिलियन डलर चुकाउनु परेको थियो ।
