काठमाडौं, १४ असार – बहुप्रतिक्षित चलचित्र ‘कृ’ को फस्ट लुक सार्वजनिक भएको छ । उक्त पोस्टरमा अभिनेता अनमोल केसीलाई फरक भूमिकामा प्रस्तुत गरिएको छ ।

अनमोल केसीको लुक्स मात्र सार्वजनिक गरिएको दुई पोष्टरमा अनमोल केसीलाई एक्सन अवतारमा देख्न सकिन्छ । अदिति बुढाथोकी र अनुप विक्रम मल्लको समेत मुख्य भूमिका रहेको चलचित्रलाई सुरेन्द्र पौडेलले निर्देशन गरेका हुन् ।

पुरुषोत्तम प्रधानले छायांकन गरिएको चलचित्र ‘कृ’ लाई सुवास गिरी र भुवन केसीले निर्माण गरेका हुन् । पटकपटक रिलिज मिति सर्दै आएको चलचित्रको प्रदर्शन मिति भने अहिले कार्तिक ३ गतेलाई घोषणा गरिएको छ ।