११ साउन २०८३, सोमबार
कोरोनाभाइरसको ओमिक्रोन भेरिएन्ट द्रुत गतिमा संक्रमण भइरहेको बेलामा अक्सफोर्ड विश्वविद्यालयको एक खोजले आशा जगाएको छ ।
अध्ययनमा एस्ट्राजेनेका खोपको बूस्टर डोजले ओमिक्रोनविरुद्ध एन्टीबडी निकै बढाइरहेको देखाएको छ । यो डाृज लगाउनेलाई ओमिक्रोनले संक्रमित पार्न सक्दैन ।
बूस्टर डोज भ्याक्सजेभ्रियाले ओमिक्रोनविरुद्ध उच्च स्तरको एन्टीबडी तयारपारेको एस्ट्राजेनेका कम्पनीले जनाएको छ ।
एस्ट्राजेनेका खोप अक्सफोर्ड विश्वविद्यालय र एस्ट्राजेनेका कम्पनी मिलेर बनाएका हुन् । भारतमा सिरम कम्पनीले यसको उत्पादन गरेको छ र कोभिशील्ड नाम राखेको छ ।
बूस्टर डोज लिएका ४१ जनाको रगतको नमूना विश्लेषण गरिएको थियो । त्यसको परिणामलाई कोरोनाभाइरस संक्रमण भएर निको भइसकेका व्यक्ति अर्थात् प्राकृतिक इम्यसनिटी पाइसकेका मानिससँग तुलना गरिएको थियो ।
नमूना लिइएका व्यक्ति अल्फा र डेल्टा जस्ता भेरिएन्टबाट संक्रमित थिए ।
एस्ट्राजेने खोपबाट बनेको एन्टीबडी र प्राकृतिक रूपमा बनेको एन्टीबडीको स्तर उस्तै रहेको बताइएको छ ।
