खुवाको बर्फी निकै स्वादिलो हुन्छ । अझ त्यसमा तिल राख्दा त जाडोमा स्वास्थ्य पनि राम्रो बनाउँछ । यहाँ हामी त्यसको रेसिपी बताउनेछौं ।

सामग्री

तिल एक पाउ

खुवा एक पाउ

चिनी एक पाउ

काजु ५० ग्राम

विधि

पहिला तिल सफा गरेर त्यसलाई कराहीमा भुट्नुस् । 

भुटिएको तिललाई सेलाउन राख्नुस् र मिक्सीमा अलिक बाक्लै गरी पिस्नुस् । 

अब खुवा तताएर प्लेटमा निकाल्नुस् । 

कराहीमा चिनी र १०० ग्राम पानी राखेर चलाइरहनुस् अनि चाश्नी बनाउनुस् ।

चाश्नीमा काजु, खुवा र तिल मिसाएर मज्जाले घोल्दै पकाउनुस् । 

प्लेटमा घ्यु दलेर चिल्लो बनाएर त्यसमा चाश्नीको मिश्रण फैलाउनुस् । 

त्यसलाई सेलाउन र सेट हुनका लागि दुई घन्टा छोड्नुस् । 

पछि आफूलाई मन पर्ने शेपमा काटेर पस्किनुस् । 

खाने जति खानुस् अनि बाँकी बर्फीलाई एयर टाइट कन्टेनरमा राख्नुस् ।