×

Nic Asia
Marvel

उद्यम

उद्यमी युवा : स्नातकोत्तर पढेपछि घरमै चरा पालेर मासिक ५० हजार कमाइ

हेटौंडा | माघ १, २०७८

TVS INSIDE

समाजशास्त्रमा स्नातकोत्तर गरेका हेटौंडा–४ का प्रकाश सुवेदी बट्टाई चरापालक किसान हुन् । ३६ वर्षीय प्रकाश स्वास्थ्यका दृष्टिकोणले उपयुक्त मानिने बट्टाई चराको अण्डा र मासु बेचेर व्यवसायी बनेका छन् ।  

IME BANK INNEWS
morang Auto yamaha

प्रकाश कुनै बेला मोटरपार्टस् सम्बन्धी काम गर्दथे । सूर्य नेपाल चुरोटको डिलरमा समेत उनले केही समय काम गरे । ७ वर्ष पहिले ५ लाख रुपैयाँ लगानीमा घरमै बट्टाई चरा पाल्ने उनको योजना परिवार र छिमेकीलाई समेत अनौठो लागेको थियो ।


Advertisment
NMB BANK
Saurya island

उनले चल्ला उत्पादन गर्ने ह्याचरी मशिन खरिद गरी ४०० वटा अण्डाबाट ३२० वटा चल्ला उत्पादन गरे । अहिले उनीसँग २ हजार वटा बट्टाई चरा छन् । उनले सञ्चालन गरेको सूर्य नेपाल पन्छी फर्मले दैनिक १ हजार २०० वटा अण्डा उत्पादन गरिरहेको छ । बट्टाई चराको मासु बिक्रीबाट मासिक ५० हजार रुपैयाँ आम्दानी भइरहेको छ । प्रतिक्रेट २०० रुपैयाँका दरले अण्डा र प्रतिचरा १२५ रुपैयाँका दरले मासु बिक्री गर्दै आएका छन् उनी ।

उनको काम यतिमा मात्र सीमित छैन, युवाहरूलाई बट्टाई चरा सम्बन्धी जानकारी बाँड्दै उद्यमशीलताका लागि प्रेरणा जगाइरहेका छन् । हालसम्म जिल्लाभित्र १० जना नयाँ युवालाई व्यवसायी बनाउन सहयोग गरिसकेको सुवेदीले बताए ।

Vianet communication
Maruti inside

मकवानपुरमा नौलो कामको शुरूआत गरेका सुवेदीले शुरूमा बजारमा बिक्रीवितरणका लागि समस्या भोगे । पहिले बट्टाई चरा सम्बन्धी सबैमा ज्ञान नहुँदा समस्या भएको तर  अहिले  बजारको समस्या नरहेको उनले बताए । ‘बट्टाई एक प्रकारको चरा हो, अण्डा पनि चराको जस्तै सानो–सानो र छिर्केबिर्के रंगको हुन्छ । बट्टाइको मासु र अण्डाले दम, बाथ, युरिक एसिड, निमोनिया, सुगर, प्रेसर नियन्त्रणका लागि विशेष फाइदा पुर्‍याउने भएकाले बजारमा माग बढी छ,’ उनले भने, ‘यसको अण्डा नियमित रूपमा खाने गर्नाले तौल सन्तुलन, स्मरण शक्ति बढ्ने, हड्डी बलियो बनाउने जस्ता फाइदा हुन्छन् ।’

बट्टाई चराको अण्डाको माग दिनप्रति दिन बढ्दै गएको उनले बताए । ‘हामीसँग धेरै उत्पादन त हुँदैन, बिहान जम्मा भएको अण्डा साँझसम्म बिक्री भइसक्छ,’ उनले भने, ‘बजारको माग र आवश्यकता हेरेर व्यवसाय बढाउने सोचमा छु ।’

व्यवसायबाट मासिक ६० हजार रुपैयाँ सजिलै आम्दानी लिन सकिने उनले बताए । बट्टाईको अण्डा प्रतिगोटा १० रुपैयाँ, चराको होलसेल भाउमै प्रतिचरा १५० रुपैयाँ मूल्य पाइन्छ । ‘चिसो सिजनमा अलि बचाउनुपर्छ, २५–३५ डिग्री सेल्सियसबीचको तापक्रममा बाँच्ने बट्टाई ५ हप्तामा मासु खान योग्य हुन्छ भने ५ हप्ताबाट अण्डा पार्न थाल्छ,’ उनले भने ।

चराका लागी आवश्यक दाना उत्पादन गर्न घरमै मिल पनि खोलेको उनले बताए । ‘यसलाई कुखुराजस्तो धेरै हेरचाह गर्नु पर्दैन,’ उनले भने, ‘कुखुराको चल्ला जस्तो भ्याक्सिन दिनु पर्दैन, समय–समयमा पानी र दाना हाले मात्र पनि राम्रोसँग उत्पादन दिन्छ ।’

शुरूमा बजारको विषयमा चिन्ता भए पनि अब सबै चिन्ता हटेको उनले बताए । ‘यसको बजार राम्रो रहेको पाएको छु । दैनिक रूपमा अण्डा, मासुका लागि चरा र यसबाट निस्केको मल पनि करेसाबारी, गमलामा हाल्न लिन आउने गर्छन्, मल पनि वार्षिक २०० बोरा जति मल प्रतिबोरा २०० रुपैयाँका दरले बेच्ने गरेको छु ।’

उनको परिवारमा आमाबुवा, पत्नी र एक छोरीसहित ५ जना रहेका छन् । ‘गर्न सके र इच्छाशक्ति भए जीवनयापनका लागि ३०–३५ हजार रुपैयाँ कमाउन भविष्य खोज्दै खाडी मुलुक जानु पर्दैन,’ उनले भने, ‘आफ्नो देशमै आफ्नो ठाउँमा बसेर परिवारसँगै रमाउँदै काम गर्न पाउने भएकाले पनि व्यवसायप्रति आकर्षित थिएँ, अब मजस्तै यही आफ्नो देशमा केही गर्छु भन्ने र गर्न चाहने युवाहरूलाई आफूले जानेका कुराहरू सल्लाह दिँदै यही उद्यमशीलता विकास लागि सहयोग गर्दैछु ।’ 

अघिल्लो वर्ष कोरोना महामारी शुरू भएसँगै आहारा व्यवस्थापन र उत्पादन बिक्रीमा समस्या भोग्नुपरेको उनले बताए । नेपाल कृषि प्रधान देश भए पनि पन्छी व्यवसायलाई सरकारले खासै महत्त्वका साथ नहेरेको उनले बताए ।

कोरोना महामारीमा धैरै समस्या भोगेको बताउँदै उनले संकटमा पनि सरकारले सहयोग नगरेकोप्रति गुनासो पोखे । ‘सरकारले कृषि क्षेत्रका लागि बजेट भाषणमा धैरै पैसा छुट्याएको सुनेको छु तर राजनीतिक नेतृत्वसंँग नजिक भएका र पहुँचवालाले मात्र त्यस्ता रकमहरू सरकारबाट सहयोग पाउने गरेका छन्,’ उनले भने ।

सरकारले सहयोग गरेको खण्डमा बागमती प्रदेशलाई बट्टाइको हबको रूपमा विकास गर्न सकिने उनले बताए । 

TATA Below
NLIC
बैशाख २१, २०७९

कैलालीको गोदावरी नगरपालिकाको अत्तरियास्थित विष्ट टोलका मतदाता नेताहरूले यसअघि गरको प्रतिबद्धता पूरा नगरेको र जनताका पक्षमा काम नगरेको भन्दै असन्तुष्ट छन् । गोडेपानी खोलाले विष्ट टोललाई बर्सेनि समस्या दिन्छ भन...

बैशाख २०, २०७९

ललितपुरको सातदोबाटोबाट करीब ५ किलोमिटर दूरीमा रहेको गोदावरी नगरपालिकाको १३ नम्बर वडास्थित झरुवारासी विकट गाउँको पीडा भोग्न बाध्य छ । भन्नका लागि त उनीहरू राजधानीवासी हुन् तर उनीहरूले भोग्ने पीडा दुर्गम गाउ...

बैशाख २४, २०७९

व्यस्त दरबारमार्ग । दरबारमार्गको अगाडि नारायणहिटी दरबार । नारायणहिटीको अगाडि छ दरबार मल ।  दरबार मलको माथिल्लो तलामा देख्न सकिन्छ हिमालयन जाभा कफी हाउस ।  व्यस्त दरबारमार्गमा जो कोहीले त्यो कफ...

बैशाख २२, २०७९

जिउमा ब्लाउजजस्तो देखिने एकसरो पातलो र मैलो कपडा । सामान्य धोती । खुट्टामा उति नै सामान्य चप्पल । चाउरी परेको मुहार । वैशाखको ४० डिग्री तापक्रमका बीच दैनिक १२ घण्टा दाउराको आगो र धूवाँवरिपरिको बसाइले हुनसक्छ...

बैशाख २०, २०७९

भुइँ (स्थानीय) तहको जनप्रतिनिधि छान्नका लागि निर्वाचनको मिति नजिकिँदै गर्दा मतदाताहरू अन्योलमा छन् । पाँच वर्षमा स्थानीय तहका जनप्रतिनिधिको हर्कतले हैरान मतदाता अब कस्तो जनप्रतिनिधि छान्दा धोका खाइँदैन भन्ने निर्क्...

बैशाख २६, २०७९

नेपालकै होचो स्थान भनेर चिनिएको झापाको कचनकवललाई यसपटक स्थानीय तह चुनावले फेरि राष्ट्रिय राजनीतिको चर्चामा ल्याएको छ । कचनकवलमा भइरहेको चुनावी गठबन्धनलाई राष्ट्रिय रूपमा नै चासोका साथ हेरिएको छ । स्थानीय ...

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

जेठ १३, २०७९

नेपाली कांग्रेसमा आबद्ध हुनुभएका महानुभावहरू साथै मेरो बुवा (गोविन्दराज जोशी)का साथीहरू, मैले आदरणीय मानेका काका ठूलोबाहरू, मेरा बुवा र हामी सम्पूर्ण परिवारले ५० औँ वर्षसम्म तपाईंसँग एउटै यात्रामा प्रजातन्त्र...

यौन अपराधमा हदम्याद : नेपालको कानून र अन्तर्राष्ट्रिय अभ्यास

यौन अपराधमा हदम्याद : नेपालको कानून र अन्तर्राष्ट्रिय अभ्यास

जेठ १२, २०७९

जब कुनै आपराधिक घटनाहरू समाजमा उजागर हुन्छन् त्यसपछि मुलुकको विद्यमान कानूनले के भन्छ भन्ने प्रश्न उठ्न थाल्छ । कानूनमा कुनै खालीपन रहेछ भने अभियन्ताहरूले सुधारको बाटो देखाउँछन्। समाजको वास्तविक आवश्यकता यही रहे...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

ad
x