२९ जेठ २०८३, शुक्रबार
जाडोमा तिलको सेवन लाभदायक हुन्छ । यो पोषक तत्त्वले भरपूर हुनुका साथै यसले तातो पनि गराउँछ ।
यसबाट खिर बन्छ भन्ने कुरा तपाईंलाई थाहा नहोला । यहाँ हामी त्यसको रेसिपी दिँदैछौं ।
सामग्री
कैलो तिल १०० ग्राम
सुकेको नरिवल १०० ग्राम
चिनी ४० ग्राम
हरियो अलैंची ५ वटा
फुल क्रीम दूध १ लिटर
कन्डेन्स्ड मिल्क १ लिटर
काजु बदाम (काटेको) आधा कप
विधि
पहिला तिल र काजु बदामलाई फरक फरक भुटेर प्लेटमा राख्नुस् ।
अब प्यानमा दूध १० मिनेटसम्म उमाल्नुस् ।
दूध उम्लेपछि कन्डेन्स्ड मिल्क र तिल राख्नुस् ।
अब त्यसमा सुकेको नरिवल, हरियो अलैंची र चिनी राखेर चलाउँदै पकाउनुस् ।
पाकेको खिरलाई प्लेटमा राख्नुस् र माथिबाट काजु बदाम राखेर पस्किनुस् ।
