शिक्षक सेवा आयोगले विभिन्न जिल्लाहरूका सामुदायिक विद्यालयमा प्राथमिक, निम्न माध्यमिक र माध्यमिक तहका प्रथम र द्वितीय श्रेणीमा रिक्त रहेका शिक्षक पदका लागि बढुवाको सूचना निकालेको छ ।
आयोगले आन्तरिक  प्रतियोगितात्मक  परीक्षा  (२५%)  र  कार्यसम्पादन  मूल्याङ्कनका आधारमा  हुने  बढुवा  (७५%)  हुनेगरी पदपूर्ति गरिने बताएको छ ।  २०७७ चैत्र मसान्तसम्म पाँच शैक्षिक सत्रको नोकरी अवधि पूरा गरेका उम्मेदवारले बुधबारदेखि (आन्तरिक प्रतियोगितात्मक परीक्षाको  हकमा)   https://online.tsc.gov.np बाट  र  कार्यसम्पादन मूल्याङ्कन आधारमा हुने बढुवाको हकमा सम्बन्धित शिक्षा विकास तथा समन्वय  एकाइमा  दरखास्त  पेस  गर्न सकिने आयोगले जनाएको छ ।