कुनै जोखिममा फसेका आफ्नो बच्चालाई जीवन दिन आमाले के के गर्न सक्छिन् ? वा के समेत गर्छिन् ? यो भन्न निकै कठिन हुन्छ । 

यहाँ एक यस्तो भिडियो सार्वजनिक भएको छ, जसले जोकोहीलाई भावुक नबनाउला भन्न सकिन्न । 

यो भिडियो केही समय पूरानो भिडियो हो । तर सामाजिक सञ्जालमा अहिलेसम्म पनि निकै भाइरल भइरहेको छ ।

भियतनाममा भएको घटना भिडियोमा देखाइएको छ । 

क्रिकेटर जोफ्रा आर्चरले ट्वीटमा यो भिडियो शेयर गरेका छन् । 

भिडियोमा एक बाइकमा युवक, बच्चा तथा बच्चाको आमा यात्रा गर्दै हुन्छन् । त्यत्तिकैमा अर्को बाइकसँग त्यो बाइक टक्कर मार्छ । 

त्यसपछि बच्चा र आमा दुवै सडकमा पल्टिन्छन् । उताबाट ट्रक आइहाल्छ । ट्रकले बच्चालाई किच्न सक्नेसम्मको अवस्था आउँछ । तर उसकी आमाले आफूपनि पल्टैँदै दुर्घटना हुनबाट जोगाउँछिन् । 

धेरैले उनको यो साहसको प्रशंसा गरिरहेका छन् । सामाजिक सञ्जालमा अहिलेसम्म पनि यो भिडियो भाइरल भइरहेको छ ।

Mother of the year https://t.co/qIZlz1PYEZ

— Jofra Archer (@JofraArcher) April 25, 2022