मंसिर २५, २०८०
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
देशको संघीय राजधानीसमेत रहेको काठमाडौं महानगरपालिकामा चुनावी सरगर्मी बढेको छ । पाँच दलीय गठबन्धन, नेकपा एमालेका साथै स्वतन्त्र उम्मेदवारहरूले चुनावी प्रचारप्रसारलाई तीव्रता दिएका दिएका छन् ।
काठमाडौं महानगर
उम्मेदवारहरू घरदैलो कार्यक्रम गर्दै आफू नै सक्षम, बलियो, राम्रो रहेको दाबी गर्दै आफूलाई मतदान गर्न सर्वसाधारणसँग अपिल गरिरहेका छन् । वैशाखको चर्को गर्मीबीच उनीहरूले बिहान र साँझको समयमा घरदैलो कार्यक्रम गरिरहेका छन् ।
आफू आबद्ध पार्टी र उम्मेदवारले घोषणा गरेको प्रतिबद्धतापत्र बोकेर उनीहरू सर्वसाधारणको घरमा पुगिरहेका छन् । आफू विजयी भए गर्ने विभिन्न काम’bout जानकारी दिँदै मतदाता रिझाउने काममा अहिले उनीहरू लागिरहेका छन् ।
पाँच दलीय गठबन्धनबाट नेपाली कांग्रेसबाट सिर्जना सिंह र एमालेबाट पूर्व मेयर एवं बाग्मती प्रदेशका पूर्वमन्त्री केशव स्थापित, स्वतन्त्र उम्मेदवार बालेन शाहलगायत काठमाडौं महानगरको मेयरका उम्मेदवार रहेका छन् ।
यस्तै, पाँच दलीय गठबन्धनबाट नेकपा एकीकृत समाजवादीका नेता रामेश्वर श्रेष्ठ र एमालेबाट सुनिता डंगोललगायतका नेता उपमेयरका उम्मेदवार रहेका छन् । बलियो र पुरानो पार्टीबाट मेयरमा उम्मेदवारी दिएका नेतामाथि स्वतन्त्र उम्मेदवार रहेका बालेन शाह चुनौतीका रूपमा देखा परेका छन् । स्थानीयहरूले काठमाडौंमा त्रिपक्षीय प्रतिस्पर्धा हुने आँकलन गरेका छन् ।
काठमाडौं महानगरपालिकाको मेयरको उम्मेदवार रहेकी कांग्रेस नेत्री सिर्जना सिंहको दौडधुप बढेको छ । बिहान र बेलुका गरी दुई समयमा उनी घरदैलो कार्यक्रम गरिरहेकी छन् । सिंहको साथमा कांग्रेस नेता प्रकाशमान सिंहका साथै स्थानीय नेताहरूको सहभागिता रहेको छ ।
सिंह ‘विविध सुसंस्कृतिले भरिएको हाम्रो सहर, सुशासन र सुविधाले सजाउने हाम्रो रहर’को एजेन्डा बोकेर घरदैलो कार्यक्रम गरिरहेकी छन् । कांग्रेसले वडा कार्यालयको समन्वयमा घरदैलो कार्यक्रम गरिरहेको छ । कांग्रेस नेता सिंहका अनुसार अहिलेसम्ममा वडा नं. १, १०, १६, १९, २०, २४, २५, २२ र २३ मा घरदैलो कार्यक्रम सम्पन्न भइसकेको छ । बाँकी वडाहरूमा समेत घरदैलो कार्यक्रम जारी रहेको छ ।
काठमाडौंमा ३२ वडा रहेको छ । मेयर र उपमेयरमा पाँच दलीय गठबन्धनको साझा उम्मेदवार भए पनि वडा अध्यक्ष र सदस्यहरूमा गठबन्धनभित्रैका नेताहरूसमेत प्रतिस्पर्धामा रहेका छन् । गठबन्धनभित्रै तालमेल नभएकाले एमाले उम्मेदवार स्थापितले आफ्नो विजयी सुनिश्चित रहेको दाबी गरिरहेका छन् ।
सिर्जनाले काठमाडौं महनगरवासीलाई ठूला सपना देखाउनेभन्दा पनि व्यवस्थित र सफा काठमाडौं बनाउन प्रमुख भूमिका खेल्ने दाबी गरिरहेकी छन् । काठमाडौंका सडकमा गरिबले पानी पिउन र शौचालयसमेत जान नपाउने अवस्था रहेको बताउँदै उनले आफू मेयर निर्वाचित भएमा सजिलै यस्ता समस्या समाधान गरिने बताइन् ।
विकसित भएर पनि अव्यवस्थित भएको काठमाडौंलाई व्यवस्थित गर्ने उनको एजेन्डा छ । ‘काठमाडौं बनाउने जिम्मा हाम्रो काँधमा आएको छ, सोही कारण मलाई काठमाडौंको मेयरका रूपमा पार्टी र गठबन्धनले अगाडि सारेको हो,’ उनको भनाइ रहेको छ ।
यस्तै, उनले भ्रष्टाचारमुक्त काठमाडौं बनाउने, डिजिटल प्रविधिको प्रयोग गरेर घरबाटै सेवा दिनेलगायतका महत्वपूर्ण काम गर्ने आश्वासन दिएकी छन् । घरघरबाटै फोहोरको व्यवस्थापनदेखि जेष्ठ नागरिकको समस्या समाधानलगायतका विभिन्न योजना पूरा गर्ने उनले बताएकी छन् । काठमाडौं सस्कृति र सभ्यता र पुरार्तात्वक सम्पदाको संरक्षण गर्नेसमेत उनको योजना रहेको छ ।
काठमाडौंको पूर्वमेयरसमेत रहिसकेका स्थापित बाग्मती प्रदेशका पूर्वमन्त्रीसमेत हुन् । काठमाडौंका लागि उनी एक पुरानो हस्ती हुन् । स्थापित विगतमा मेयर भएर राम्रा काम गरेकाले सबैले उनलाई राम्रोसँग चिन्छन् ।
‘काठमाडौंको मुहार फेर्न एकपटक केशव स्थापितलाई हेर्नुस्’ भनेर जनताको घरदैलोमा उनी पुगिरहेका छन् । मेयरका उम्मेदवार स्थापितसँगै उपमेयरका उम्मेदवार सुनिता डंगोलसमेत स्थानीय नेताहरूसँगै घरदैलोमा व्यस्त छिन् ।
स्थापितले पनि बिहान र बेलुका गरी दुई समयमा घरदैलो कार्यक्रम गरिरहेका छन् । एमालेले काठमाडौंको चुनावी कमान्ड वरिष्ठ उपाध्यक्ष ईश्वर पोखरेललाई दिएको छ । पोखरेल काठमाडौं ५ बाट निर्वाचित संघीय सांसदसमेत हुन् ।
एमाले नेता बालगोपाल श्रेष्ठका अनुसार बिहान ७ बजेदेखि ११ बजेसम्म र दिउँसो ३ बजेदेखि बेलुका ६ बजेसम्म समय तालिका बनाएर घरदैलो कार्यक्रम गर्ने गरिएको छ । काठमाडौं १, २, ३, ४, ५, ६, १५, १८, २१ लगायतका वडाहरूमा घरदैलो कार्यक्रम सम्पन्न भइसकेको छ ।
एमालेबाट महानगरलाई भौतिक संरचनाले सांस्कृतिक रूपमा भरिपूर्ण सहर बनाउने योजना घोषणापत्रमा सार्वजनिक गरिएको छ । संघीय राजधानीसमेत रहेको काठमाडौंलाई सांस्कृतिक सहरका रूपमा विकास गर्ने प्रतिबद्धता एमालेको छ । यसअघि स्थापित काठमाडौंको मेयर भएर गरेका विभिन्न राम्रा कामले उनी काठमाडौंवासीका लागि एक सफल नेताका रूपमा चिनिन्छन् ।
यस्तै, स्वच्छ छवि र युवा पुस्ताकी सुनिता डंगोल उपमेयरको उम्मेदवार एमालेले बनाएको छ । डंगोल काठमाडौंको संस्कृति जोगाउने एक अभियन्तासमेत हुन् । गत निर्वाचनमा एमालेबाट विद्यासुन्दर शाक्य मेयरमा विजयी भएका थिए ।
मंगलबार काठमाडौंमा आयोजित एक सभालाई सम्बोधन गर्दै स्थापितले आफूले कहिल्यै संगत नै नगरेको महिलासँग आफूलाई आरोपित बनाइएको गुनासो गरे । विगतको काठमाडौंको मेयर हुँदा त्यहाँ काम गरेकी एक महिलाले अभद्र व्यवहार गरेको आरोप लगाउँदै गर्दा स्थापितले यसलाई अस्वीकार गरेका छन् । स्थापितले आफूले महिलाहरूको सधैं सम्मान गर्ने तर त्यसैलाई लिएर आरोपित भइरहन जरुरी नभएको बताउँदै आएका छन् ।
स्थापितले आफू महिला हिंसाविरोधी भएकाले उनीहरूमाथि आरोप लगाउँदा पनि आफूले गालीमा जवाफ दिन नचाहेको बताए । उनले आफूले जनतालाई फल दिनुपर्ने भएकाले कसैलाई पनि गाली दिन नमिल्ने बताए ।
काठमाडौं महानगरमा कुल ३ लाख ५ सय ४ मतदाता रहेका छन् । कांग्रेसका सिर्जना र एमालेका केशव दुई ठूला दलका बलिया उम्मेदवार हुन् । तर, यी दुवै बलिया उम्मेदवारका लागि स्वतन्त्र उम्मेदवार बालेन शाह चुनौती बनेका छन् ।
¥यापमार्फत देशको सामाजिक र राजनीतिक अवस्थामाथि टिप्पणी गर्ने बालेन (बालेन्द्र शाह) अहिले आफैं नीति निर्माण र कार्यान्वयन गर्ने संयन्त्रको नेतृत्व गर्ने आकांक्षासहित काठमाडौं महानगरको मेयर उम्मेदवार बनेका छन् ।
उनले औपचारिक रूपमा पाँच महिनाअघि काठमाडौंको मेयरमा उठ्ने घोषणा गरेका थिए । उनको घोषणासँगै युवा जमात र उनका प्रशंसकमाझ माहौल जमेको छ । सामाजिक सञ्जालमा बालेनको चर्चा–परिचर्चा देखेर सिर्जना र केशव दुवै तर्सिएका छन् ।
सामाजिक अभियन्ता र कलाकारहरूको समेत साथ पाएका बालेन सञ्चारमाध्यम र विभिन्न सार्वजनिक कार्यक्रममा आफ्ना एजेन्डा सुनाएर जनसमर्थन बटुलिरहेका छन् । उनले समेत आफ्ना समर्थकलाई लिएर घरदैलो कार्यक्रम थालेका छन् ।
सामाजिक अभियन्तादेखि कलाकारसम्मको साथ पाएर सामाजिक सञ्जालमा हावी भएका बालेन शाह यथार्थमा चुनावी मैदानमा कत्तिको खरो उत्रने हुन्, त्यो भने हेर्न बाँकी नै छ । तर, बालेनकै क्याल्कुलेसनमा भने उनले ९० हजार ८ सय ३५ मत पाएर विजयी हुने दाबी पेस गरेका छन् ।
पेसाले इन्जिनियर, लगावले गायक बनेका बालेनको राजनीतिक व्यक्तिको परिचयमा पनि थपिएको छ । बालेनले फोहोर व्यवस्थापनदेखि ट्राफिक व्यवस्थापन, काठमाडौंलाई संग्रहालयजस्तो सहर भएकाले यसको यथोचित संरक्षण र जगेर्ना गर्नुपर्नेलगायतका योजना अघि सार्दै काठमाडौंवासीको मन जित्न खोजेका छन् । राजधानी दैनिकमा सुभाष साहले खबर लेखेका छन् ।
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...