×

X
Nic Asia
Dabur
Marvel

स्थानीय चुनाव : पोखरा महानगर विशेष

अघिल्लो मतान्तरभन्दा धेरै मत समाजवादीसँग छ, १५ हजार अन्तरले जित्छौं: धनराज आचार्य [अन्तर्वार्ता]

काठमाडाैं | बैशाख २१, २०७९

TVS INSIDE

सत्ता गठबन्धनबीच केन्द्रीय स्तरबाट तालमेल भएको पोखरा महानगरपालिकामा मेयरको उम्मेदवार नेकपा एकीकृत समाजवादी (एस)ले पाएको छ ।

IME BANK INNEWS

देशभरबाट चासोका साथ हेरिएको पोखरामा गठबन्धनको एजेण्डा के छ, चुनाव जित्ने आधार के हुन् ? भनेर मेयरका उम्मेदवार धनराज आचार्यसँग लोकान्तरले गरेको कुराकानीको सम्पादित अंश :


Advertisment
NMB BANK
RMC TANSEN
Saurya island

गठबन्धनको तर्फबाट मेयरको उम्मेदवार बन्दा पोखरेली जनताबाट कस्तो प्रतिक्रिया पाउनुभएको छ ?

– गठबन्धनको तर्फबाट पोखराको मेयरका लागि साझा उम्मेदवार बनेर आउँदा पोखरेली दिदीबहिनी, दाजुभाइबाट असाध्यै सकारात्मक प्रतिक्रिया पाएको छु । यहाँका मतदाताहरू जसले साँचो अर्थमा पोखरालाई विकसित र समृद्ध बनाउनुपर्ने कुरा राख्नुहुन्छ, उहाँहरूलाई हामी यसरी काम गर्नेछौं भनेर कुरा राख्दा साँच्चिकै पोखरा बनाउन सक्ने, परिवर्तन गर्न सक्ने लिडरशिप आयो भनेर उत्साहित भएको पाएँ । म जहाँ पुगेको छु, तपाईंको बारेमा सुनेका थियौं, आज प्रत्यक्ष भेट्न आएको हो । नाम सुनेको धेरै वर्ष भयो, विद्यार्थी राजनीति गर्ने बेलादेखि चिनेको हो, तपाईंलाई भेट्न आएको हो भनेर प्रतिक्रिया पाएको छु ।

चुनावी सभा र भेटघाट बढाएका छौं । मेयर/उपमेयरका उम्मेदवारसहित टोली/वडामा जाँदा गठबन्धनका उम्मेदवार लिएर हिँडेका छौं । पोखराका मतदाताबाट पाएको प्रतिक्रियाले हामी अत्यन्तै उत्साहित भएका छौं । 

पोखरामा असन्तुष्टि छ, कांग्रेस कार्यकर्ताले तपाईंलाई भोट हाल्छन् कि हाल्दैनन् भन्ने अन्योल छ भन्ने सुनिन्छ नि !

Vianet communication
Maruti inside

– उम्मेदवारी मनोनयनभन्दा पहिला टिकट मैले पाउनुपर्छ, पार्टीभित्र पनि मैले पाउनुपर्छ भनेर नेताहरूले गरेको लविङ स्वाभाविक कुरा थियो । नेपाली कांग्रेसका धेरै साथीहरू आकांक्षी हुनुहुन्थ्यो, जब गठबन्धनमा मेयर नेकपा एकीकृत समाजवादी र उपमेयर नेपाली कांग्रेसबाट हुने भनेर निर्णय भएर आयो, त्यसपछि सामूहिक रूपमै नोमिनेसन गर्‍यौं । त्यसपछिका कार्यक्रम पनि योजनाबद्ध ढंगले मिलेरै गरिरहेका छौं ।

अहिलेको अवस्थामा त्यो कुरा छैन, ५ वटै पार्टी एकमनाका साथ साझा उम्मेदवार लिएर अगाडि बढेका छौं । पार्टीमा विद्रोह गरेर २ जनाले स्वतन्त्र उम्मेदवारी दिनुभएको थियो, त्यसलाई उहाँहरूले फिर्ता लिनुभयो । १ जनाले राख्नुभएको छ, कांग्रेसका साथीहरूले उहाँको उम्मेदवारीले फरक पर्दैन भन्नुभएको छ । 

कांग्रेस नेताहरू तपाईंको पक्षमा खुलेर लागेका छन् ?

– म गठबन्धनको साझा उम्मेदवार भएकाले नेपाली कांग्रेस लगायत गठबन्धन दलका नेताहरू प्यानल नै जिताउन लागिपर्नुभएको छ । हाम्रा साझा उम्मेदवार छन्, साझा एजेण्डा र घोषणापत्र भएकाले हामीहरू सँगसँगै छौं ।

विगतमा एमालेले फराकिलो मतान्तरले चुनाव जितेको थियो, यसपटक पनि एमाले बलियो छ भन्ने विश्लेषण गरिएको सुनिन्छ । तपाईंले कसरी चुनाव जित्नुहुन्छ ?

– अघिल्ला चुनावमा १४ हजार मतले तत्कालीन एमालेले चुनाव जितेको हो, त्यसका कारण थिए । लेखनाथ क्षेत्रको उम्मेदवार हुनुहुन्थ्यो, पुरानो नेता हुनुहुन्छ भन्ने सेन्टिमेन्ट थियो । अर्कोतिर कांग्रेसको उम्मेदवार यहाँ मतदातासँग नभिजेका कारणले गर्दा मतान्तर बढी थियो । विगतको मतान्तरभन्दा धेरै मत लिएर हामीले नेकपा एस बनाएका छौं । त्यो मतान्तरको कुरा रहेन, जब मतान्तरभन्दा बढी मत त्यो पार्टीबाट अन्यत्र गयो भने मतान्तर रहने कुरै भएन ।

नेपाली कांग्रेसले पनि आफ्नो संगठनलाई धेरै सुदृढ बनाएको छ, माओवादी केन्द्रको संगठन पनि उत्तिकै मजबुत भएको छ, महाधिवेशनले गर्दा सबैले ग्राउन्डमा राम्रो संगठन बनाएका छन्, जसपाको पनि पनि राम्रो पकड छ । 

त्योबाहेक पनि सामाजिक काम गरेको जनमतको हिसाबले पनि कास्कीका धेरै मतदाता भएको क्षेत्रको उम्मेदवार भएका कारणले पनि मैले चुनाव जित्छु । विगतको मतान्तरलाई अगाडि लगेका छौं, हाम्रो आकलन १५–१८ हजार मतान्तरले गठबन्धन अगाडि छ ।

३९ हजार मतदाता थपिनुभएको छ, उहाँहरू पढे–लेखेको, आईटी फ्रेन्डली नयाँ पुस्ता भएकोले अघिल्लो पुस्ताभन्दा सोच्न सक्ने, राम्रो काम गर्न सक्ने र क्रिटिकल एनालाइसिस गर्न सक्ने पुस्ता हो । उहाँहरूले विगतमा के भयो ? यतिका वर्षसम्म अवसर पाएर किन गर्न सक्नुभएन भन्ने प्रश्न उहाँहरूले हरेक पोइन्टमा राख्न सक्नुहुन्छ । 

पोखरामा थपिएका ३९ हजार मतदातालाई आकर्षित गर्ने नारा के छ ?

– ३९ हजार मतदाता थपिनुभएको छ, उहाँहरू पढे–लेखेको, आईटी फ्रेन्डली नयाँ पुस्ता भएकोले अघिल्लो पुस्ताभन्दा सोच्न सक्ने, राम्रो काम गर्न सक्ने र क्रिटिकल एनालाइसिस गर्न सक्ने पुस्ता हो । उहाँहरूले विगतमा के भयो ? यतिका वर्षसम्म अवसर पाएर किन गर्न सक्नुभएन भन्ने प्रश्न उहाँहरूले हरेक पोइन्टमा राख्न सक्नुहुन्छ । 

हामीले के गर्छाैं भन्ने भिजन प्रस्तुत गरेका छौं । नयाँ थपिएको मत हाम्रो पक्षमा आउँछ भन्ने हाम्रो बुझाइ छ । 

तपाईंका प्रतिस्पर्धी उम्मेदवारले मैले गठबन्धनलाई कुनै चुनौती ठानेको छैन, गठबन्धन पछारिन्छ भन्नुहुन्छ नि ?

– धेरै लामो जानु छैन, केही दिनमा परिणाम आइहाल्छ । कसैले कसैको अस्तित्व स्वीकार्न सक्दैन भने त्यहाँभन्दा नेगेटिभ कुरा केही हुँदैन । म उहाँ (एमाले उम्मेदवार) केही होइन भन्दिनँ, एउटा संगठित पार्टीको नेता भएकाले राम्रै चुनावी प्रतिस्पर्धा हुन्छ । मेरो आग्रह के छ भने चुनावलाई अलि स्वस्थ बनाऔं, हाम्रो ठाउँबाट अरुको ठाउँबाट पनि अस्वस्थ बनाउँदै लगेमा राजनीतिक प्रदूषण बढ्छ । उहाँले हामीलाई अवमूल्यन गर्दैमा केही फरक पर्दैन, वैशाख ३० गतेसम्म कुर्न आग्रह गर्छु । 

तपाईं पोखराको मेयर जित्नुभयो भने ५ वर्षपछि यहाँ घुम्न आउनेले के परिवर्तन देख्न पाउने छन् ?

– पोखरा एउटा अन्तर्राष्ट्रिय शहर हो, संसारभरिबाट जो पर्यटक नेपाल आउनुहुन्छ, अधिकांश पोखरा आएर मात्र फर्किनुहुन्छ । कम्तिमा २ रात भए पनि पोखरा बस्ने रेसियो छ, त्यसो भएको हुनाले पोखरालाई हामीले एउटा अन्तर्राष्ट्रिय स्तरको शहर बनाउन चाहन्छौं । कोत्रेबाट पोखरा छिर्ने वित्तिकै पोखरा महानगरमा प्रवेश गर्‍यौं भन्ने छनक दिने त्यस्ता केही विम्ब बनाउने छौं ।

कोत्रेदेखि पोखरा बजारसम्मको झण्डै १५ किलोमिटर सडकमा पोखरा झल्काउने खालका आकृति बनाउँछौं । कोत्रेदेखि पोखराको बाटोमा इलेक्ट्रिकट्राम चलाउने कुरा कार्यक्रममा राखेका छौं, त्यो पनि नयाँ कुरा हुनेछ । पोखरा प्रवेश गर्ने वित्तिकै पोखरा बसपार्क निर्माण गरिसकेका हुनेछौं । 

अहिलेको पोखरा बसपार्कलाई सिटी बसपार्कको रूपमा विकसित गर्छाैं, त्यो आधुनिक बसपार्क हुनेछ । पोखरा आउने २ वटा लाइफलाइन विजयपुर र चाइना पुलमाथि पुल बनाउनका लागि केन्द्रीय सरकारसँग विशेष पहल गर्नेछौं । पोखराको रिङरोडको लाइन बनिसकेको अवस्था हुनेछ ।

पोखरा आउँदा छुट्टै अनुभव महसूस गर्ने गरी ब्यूटिफिकेसन गरेका हुनेछौं, यो सफा र ग्रिनरी हुनेछ । सुन्दर, सफा पोखरा र हरियालीयुक्त पोखरा हुनेछ भने पर्यटकीयस्थल लेकसाइड वरपरको क्षेत्रलाई फरक ढंगले लाइटिङ गरेका हुनेछौं । साँझको बेलामा हामी कुन अन्तर्राष्ट्रिय शहरमा छौं भन्ने महसूस गराउन सौन्दर्यीकरण गरिएको हुनेछ ।

५ वर्षमा लेकसाइडलाई भेइकल फ्री जोन बनाइसकेका हुनेछौं । लेकसाइड २४ घण्टै खुलेको हुनेछ, त्योबाहेक डाउनटाउनभित्र अत्यावश्यक सेवा २४ घण्टै खुला गरेका हुनेछौं ।

महानगरभित्र अत्यावश्यक कुरा सार्वजनिक शौचालय कति ठाउँमा चाहिने जस्ता कुरा लिएर महानगरको न्यूनतम कुराहरू सबै बनाइसकेको हुनेछ । ठाउँठाउँमा सूचना केन्द्र राखिएको हुनेछ । पहिला त गएकै हो, फेरि एकपटक पोखरा हेर्न जाउँ न, धेरै परिवर्तन भएछ पोखरा, हेर्न जाउँ भन्ने खालको अवस्था ५ वर्षमा बनाउने छौं । पोखरालाई राम्रो बनाउने हाम्रो दृढ संकल्प छ ।

TATA Below
NLIC
असार १४, २०७९

पूर्वप्रधानमन्त्री एवं नेकपा एसका सम्मानित नेता झलनाथ खनाल अमेरिकी आर्थिक सहयोग कार्यक्रम मिलेनियम च्यालेञ्ज कर्पोरेसन (एमसीसी) र सैन्य सहयोग राज्य साझेदारी कार्यक्रम (एसपीपी)को विरोधमा 'फ्रन्टलाइन'मा उभिने...

जेठ ९, २०७९

राजनीतिक र औद्योगिक शहरका रूपमा चिनिएको १ नम्बर प्रदेशको राजधानी विराटनगरले २०७९ वैशाख ३० गते भएको निर्वाचनबाट लामो राजनीतिक पृष्ठभूमि बोकेको परिवारका नागेश कोइरालालाई मेयर बनाएको छ । विराटनगरको बागडोर ...

जेठ १२, २०७९

जनता समाजवादी पार्टीका कार्यकारिणी समिति अध्यक्ष उपेन्द्र यादवले गठबन्धनका घटक दलहरूबाट जसपाका उम्मेदवारलाई हराउनका लागि राजनीतिक षड्यन्त्र र बेइमानी भएको आरोप लगाएका छन् । लोकान्तरसँगको अन्तर्वार्तामा उनले गठब...

जेठ १९, २०७९

राजनीतिक दलहरू स्थानीय तह निर्वाचनको नतिजा विश्लेषण र आगामी चुनावी रणनीति बनाउने काममा व्यस्त छन् । स्थानीय तह चुनावबाट ठूलो दल बनेको कांग्रेसभित्र आगामी प्रदेश र प्रतिनिधि सभाको निर्वाचनबारे अनौपचारिक छलफल शु...

जेठ २५, २०७९

लोकतान्त्रिक समाजवादी पार्टी (लोसपा)का वरिष्ठ नेता राजेन्द्र महतोले जनता समाजवादी पार्टी (जसपा)सँग तत्काल एकताको सम्भावना नरहेको बताएका छन् । जसपाका केन्द्रीय कार्यकारिणी समिति अध्यक्ष उपेन्द्र यादवले पार्टीमा आफ...

जेठ ११, २०७९

स्थानीय तहमा फेरि पनि पहिलो राजनीतिक शक्ति बन्ने उद्घोषका साथ चुनावमा होमिएको एमाले करीब एकतिहाइ शक्ति गुमाएर दोस्रो दलमा सीमित भयो । अध्यक्षको लोकप्रियता र पार्टी प्रवेशको लहरको आधारमा जीत निकाल्ने एमाले न...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x