×

X
Nic Asia
Dabur
Khukuri

स्थानीय चुनाव

अघिल्लोपटकको वाचा पूरा नभएकोमा आक्रोशित अत्तरियाका मतदाता– भोट माग्न त आऊन् ... !

काठमाडाैं | बैशाख २१, २०७९

NTC
Argakhanchi Cement
Premier Steels
TVS INSIDE

कैलालीको गोदावरी नगरपालिकाको अत्तरियास्थित विष्ट टोलका मतदाता नेताहरूले यसअघि गरको प्रतिबद्धता पूरा नगरेको र जनताका पक्षमा काम नगरेको भन्दै असन्तुष्ट छन् ।

LAxmi BAnk
nabil BANK inside

गोडेपानी खोलाले विष्ट टोललाई बर्सेनि समस्या दिन्छ भने गोदावरी नदी पनि बस्ती नै पस्ने अवस्था आइसक्दा पनि सरकारले आफूहरूको गुनासो नसुनेको स्थानीयको आरोप छ ।


Advertisment
RMC TANSEN
cg elex island
NIC ISLAND BOX

अघिल्लोपटक विष्ट टोललाई सुरक्षित गर्न गोडेपानी खोलाको बाढी टोल बस्न नदिने गरी बाँध बाँध्ने प्रतिबद्धता गरिएको थियो ।

‘अहिलेसम्म २ परिवारको नाममा २५/२५ र अर्को २ परिवारलाई १५/१५ वटा ढुंगा भर्ने जाली दिएर टारिएको छ, न यति जालीले पुग्छ न त थप काम नै भएको छ,’ विष्ट टोलका स्थानीय जानकी विष्टले गुनासो गरिन् ।


Advertisment
Saurya island

उनले नेताहरूको स्वभाव देखेर आक्रोशित हुँदै भनिन्, ‘यसपालि पनि भोट माग्न त आउलान् नि ...!’

Vianet communication
IME BANK INNEWS

लोकान्तर टोली रिपोर्टिङका क्रममा गोदावरी नगरपालिका– २ को विष्ट टोल पुग्दा गोडेपानी खोला पीडित १० परिवारले अघिल्लो चुनावमा दिएको आश्वासन हालसम्म पूरा नगरेको भन्दै आक्रोश पोखे ।

‘५ वर्ष भयो नेताहरूले हाम्रो टोललाई व्यवस्थित गरिदिन्छौं भनेको । अहिलेसम्म पनि त्यो कामको शुरूआत पनि भएको छैन । जसका कारण ठूलो पानी परेको दिन बस्ती नै बगाउँछ कि भनेर रातभर अनिँदो बस्नुपर्छ । दिनमा पनि कतिबेला बाढी आउँछ भन्ने पत्तै हुँदैन । वर्षाको समय लागेपछि शुरू हुने त्रासदीपूर्ण जिन्दगी वर्षातको मौसम नसकिँदासम्म रहिरहन्छ,’ विष्टले लोकान्तरसँग भनिन् ।

गोदावरी नदीले खेतीयोग्य भूभाग कटान गर्दै बस्ती नजिक आइपुग्न लागेको छ भने गोडेपानी खोलाका कारणले बस्ती डुबानमा पर्ने गरेको छ । नदीले घरखेती बगाएको र रोकथाम गर्न पटक–पटक वडा र नगरमा निवेदन दिँदा हालसम्म बेवास्ता भइरहेको विष्ट टोलकै अर्का स्थानीय वीरबहादुर विष्टले बताए ।

उनी भन्छन्, ‘अघिल्लो चुनावमा एमालेका वडा अध्यक्षका उम्मेदवार हरिसिंह साउँदको प्रचारप्रसारमा लागेर जिताइयो पनि तर बाढी रोकथामका लागि उनले पनि गरेका छैनन् । त्यसैले यो पटक जसले घर अगाडिको खोलामा बाँध हालिदिन्छ उसैलाई भोट दिने हो ।’

विष्ट टोलका स्थानीयको प्रश्न छ, ‘वर्षातमा प्राकृतिक विपत्ति भोग्नु नपरोस् र त्यसको रोकथाम हुन्छ भन्ने आशले अघिल्लो चुनावमा भोट दिएको तर त्यही समस्याको समाधान नभएपछि भोट चाहिँ किन दिने ?’

सीता विष्टले भनिन्, ‘वर्षायाममा यो टोलका घरको एकतला नै डुबान हुने गरी बाढी आउँछ । रातभर जागा बस्नुपर्ने बाध्यता छ, त्यसलाई सम्बोधन गर्छौं भनेका थिए । फेरि चुनाव आइसक्यो, जितेर गएका नेता फर्केर आएनन् । तिनै नेता फेरि भोट माग्न आए ढुंगाले हानेर लखेट्ने भनेका हौं ।’ 

पारिपट्टि नेताका आफन्त भएकाले तटबन्धनका लागि आवश्यक सामग्री उपलब्ध गराइएको तर पहुँच नभएकाले आफूहरूलाई बेवास्ता गरिएको उनको आरोप छ । उनका अनुसार पल्लोतिरका मानिसहरूसँग पैसा भएकाले काम छिटो गरिदिएको तर आफूहरू गरीब भएकै कारणले काम नगरिदिएको गुनासो पनि सीताले गरिन् ।

‘नेताहरू भोट माग्ने समयमा मात्रै तपाईंहरूको समस्या के छ भनेर सोध्छन्, समस्या बतायो भने समाधान गरिदिने वाचा पनि गर्छन् तर भोट पाएपछि फर्किने भनेकै ५ वर्षपछि मात्रै हो,’ उनले भनिन् ।

अत्तरिया बजार र बसपार्क व्यवस्थित गर्न ढल निकास नभएका कारणले करीब २०० घरपरिवार बाढीको जोखिममा छन् । स्थानीयका अनुसार बजारमा भएको फोहोर खोलामा फालिने र त्यो फोहोरका प्लास्टिकले गर्दा पानी बग्न नपाएर बस्ती पस्ने गरेको छ ।

‘अब नेताहरू भोट माग्न नआए हुन्छ, काम नगर्ने नेताहरूलाई भोट दिँदैनौं,’ कविता विष्टले लोकान्तरसँगको कुराकानीका क्रममा भनिन्, ‘जो आए पनि उस्तै रहेछन्, गरीबलाई हेर्ने कोही छैनन् ।’

गोदावरी नदीले एकै परिवारको ७–८ कट्ठाका दरले नम्बरी जमिन बगाएर लगेको छ । त्यसमा तटबन्धनका लागि नगरपालिकाले कुनै पनि पहल नगरेको स्थानीयले आरोप लगाएका छन् । नदीमा भएको ढुंगा र बालुवा निकाल्न नगरपालिकाले ठेक्का दिँदा समस्या अझै बढेको स्थानीयले बताएका छन् । 

नदीले कटान गरेका कारण १४० कट्ठाभन्दा धेरै नम्बरी जमिन बगरमा परिणत भइसकेको छ । नदीको कटानलाई रोक्न नसके बर्सेनि गाउँलेहरूलाई सुकुम्बासी बनाउँदै जाने चिन्ता बढेको स्थानीय एक शिक्षकले बताए ।

स्थानीय खड्के नेपालीको ६ कट्ठा जमिन थियो । अघिल्लो बर्खामा आएको बाढीले घर भएको जमिनबाहेक सबै बगाएर लग्यो । राति आएको बाढी घर गोठमै पस्यो । बाढीले गाईबाख्रा बगाए पनि घर धन्न जोगियो । गत वर्षको बाढीले घरको जग नै खोतलेकाले यसपालि घर जोगाउन सकिन्न कि भन्ने चिन्ता नेपालीलाई छ ।

नेपाली भन्छन्, ‘नगरपालिकाका नेताहरूले राहत दिने र तटबन्धन गरिदिने आश्वासन दिएका थिए ।’ त्यही आशामा उनले ऋण खोजेर ट्रयाक्टरमा ढुंगा, बालुवा र सिमेन्ट आसार्दै घर अगाडि तटबन्ध लगाए तर हालसम्म पनि बजेट निकासा नगर्दा आफू थप समस्यामा परेको उनले बताए ।

नेपालीले लोकान्तरसँग गुनासो पोखे, ‘राहतका लागि मोबाइलबाट फोटो खिचेर लगे । पैसा आउँछ काम गर्दै गर भने । ऋण खोजेर गरेको कामको हालसम्म पनि पैसा दिएका छैनन्,’ उनले भने । ट्रयाक्टर चलाएर गुजारा गर्दै आएका नेपालीले आफ्नो समस्याको समाधान गर्ने नेतालाई भोट दिने बताए ।

गोदावरी नदीदेखि मशिन रोडसम्मको तटबन्धनको समस्यालाई कसैले सम्बोधन गरेका छैनन् । भोट माग्न भने आइरहेका छन् । जो आए पनि ‘तपाईंलाई नै भोट दिने हो’ भनेर त स्थानीयले भन्ने गरेका छन् तर समस्याको समाधान नगर्नेलाई यसपालि भोट नदिने सल्लाह गरिरहेको स्थानीय शिक्षक शिवराज जोशीले बताए ।

‘हाम्रो तटबन्धनको समस्या कसैले हेर्ला जस्तो देखिँदैन, अघिल्लोचोटी आफ्नो क्षेत्रको उम्मेदवार भएकाले पार्टी नभनेर जितायौं, उसले काम गरेन, अब हामीले कसलाई विश्वास गरेर भोट दिने ?’ शिवराजले लोकान्तरसँग भने, ‘जो नेता आए पनि हामी त तिम्रै हौं, भोट पक्का भनेर पठाएका छौं, १ हजार घरपरिवार बाढीको जोखिममा छन् । यिनैले दिने भोट निर्णायक हुनसक्छ । त्यसैले यो पटक आफ्नो विवेक प्रयोग गर्छौं ।’

थप तस्वीरहरू:

Maruti inside
Mega
NLIC
TATA Below
ncc inside
कात्तिक ११, २०७९

कैलालीको टीकापुर नगरपालिका–२ का वीरबहादुर चौधरी तिहारका दिन निकै हतारमा थिए । हतारमा घरबाट निस्केका उनले टीकापुर र बर्दिया जोड्ने कर्णाली नदीको सन्कट्टीमा १ घण्टा कुर्नुपर्‍यो । डुङ्गा (स्टिमर) क...

असोज ३०, २०७९

एकवर्ष अघिसम्म सविना तिमिल्सिना दाहाललाई आफन्तको हालखबर बुझ्न हातमा मोबाइल बोकेर नेटवर्कको खोजीमा अग्ला डाँडामा पुग्नुपर्थ्यो ।  काभ्रेपलाञ्चोक जिल्लाको बेथानचोक गाउँपालिका वडा नम्बर १ निवासी दाहालका गाउ...

कात्तिक ११, २०७९

कास्कीको पोखरा महानगरपालिका–३२ पृथ्वी राजमार्गमा पर्ने तल्लो गगनगौडाबाट तनहुँको शुक्लागण्डकी नगरपालिका–१ को सेराबेंसी अहिले भने सवारीसाधनबाट ५/७ मिनेटमा पुग्न सकिन्छ ।  गगनगौंडाबाट सेराब...

मंसिर ४, २०७९

मंसिर ४ मा देशभर प्रतिनिधिसभा तथा प्रदेशसभा सदस्य चयनका लागि निर्वाचन भयो ।  यही निर्वाचनबाट चुनिएको संसद्ले सरकार गठन गर्छ । राष्ट्रपति र उपराष्ट्रपतिको चयन गर्छ । आफ्नो प्रतिनिधि चयन गर्ने यो चुनाव मत द...

मंसिर १६, २०७९

आधुनिकताका नाममा परम्परागत गुन्द्री बुन्ने, दुनाटपरी बनाउने चलन हराउँदै गएको अवस्थामा एक विद्यालयले प्रयोगात्मकसँगै व्यावहारिक ज्ञान, सीप सिकाउने अभियान थालेको छ । कक्षा कोठाभित्र पढाइने सैद्धान्तिक ज्ञानले मा...

कात्तिक १९, २०७९

विराटनगरलाई औद्योगिक शहरका रूपमा चिनिन्छ । औद्योगिक शहरमा पछिल्लो समय १ युवा अर्ग्यानिक खानामा जोड दिइरहेका छन् । २२ वर्षीय अबिशेक गौतमले घरका भान्सा अर्ग्यानिक बनाउने प्रयास शुरू गरेका छन् ।  तरकारी...

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

मंसिर २३, २०७९

चन्द्रमामा पहिलोचोटि पाइला राखेबापत निल आर्मस्ट्रङ्गलाई अमेरिका मात्र होइन, सम्पूर्ण संसारले सम्मान र इज्जत गर्‍यो । बज एल्ड्रिन र माइकल कोलिन्स पनि सँगै थिए । उनीहरू पनि पहिलो हुन सक्थे तर भएनन् । जब यानबाट...

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

मंसिर २२, २०७९

चीनका राष्ट्रपति सी चिनपिङ बुधवार अपराह्न साउदी अरबको राजधानी रियाद पुगेका छन् ।  सामान्यतया साउदीले आफ्नो सबभन्दा निकटतम साझेदार अमेरिकालाई भव्य स्वागत गर्ने गर्थ्यो भने यसपालि चिनियाँ राष्ट्रपतिलाई त्यस्...

हिन्दूराष्ट्र र आन्दोलित मानसिकता

हिन्दूराष्ट्र र आन्दोलित मानसिकता

मंसिर २२, २०७९

यतिबेला वनकाली सुमार्गी भवनमा वैदिक सनातन धर्मरक्षा राष्ट्रशान्ति विराट महायज्ञ सञ्चालन भइरहेको छ । यही मंसिर १५ गतेबाट शुरू भएको महायज्ञ २३ गते शुक्रवार समापन हुनेछ । वैदिक सनातन धार्मिक महासंघको आयोजनामा भए...

ad
x