×

NMB BANK
NIC ASIA

स्थानीय चुनाव : भरतपुर महानगरपालिका विशेष

पाँच वर्षमा डिस्टिंक्सन ल्याएँ, भरतपुरवासीले मलाई नै खोजेका छन्– रेनु दाहाल [अन्तर्वार्ता]

बैशाख २३, २०७९

NTC
Sarbottam
Premier Steels
Marvel

सत्ता गठबन्धनका तर्फबाट चितवनको भरतपुर महानगरपालिकामा माओवादी नेत्री रेनु दाहाल उम्मेदवार छिन् ।

Sagarmatha Cement
Muktinath Bank

भरतपुर महानगरमा हुने चुनावको नतिजासँग सत्ता गठबन्धनको भविष्य जोडिएकाले पनि यहाँको चुनावलाई निकै चासोका साथ हेरिएको छ ।


Advertisment
RMC TANSEN
IME BANK INNEWS
shivam ISLAND

मेयरमा दोस्रो कार्यकालका लागि उम्मेदवारी दिएकी रेनुसँग उनको चुनावी एजेण्डा र चुनौतीबारे लोकान्तरले कुराकानी गरेको छ । प्रस्तुत छ, कुराकानीको सम्पादित अंश :


Advertisment
Nabil box
Kumari

भरतपुर महानगरको दोस्रो कार्यकालको लागि प्रतिष्पर्धामा हुनुहुन्छ, कस्तो प्रतिक्रिया पाउनु भएको छ ? 

Vianet communication
Laxmi Bank

विकासका लागि रेनु दाहाल चाहिन्छ भन्ने मतदाताको प्रतिक्रिया छ । मतदाताहरूबाट पाएको सुझावले म उत्साही छु । चुनाव घोषणा भएदेखि नै फेरि रेनु आउनुपर्छ भन्ने भरतपुरवासीको भावना मैले पाएकी छु । 

व्यक्तिगतसँगै विभिन्न संघ–संस्थाका प्रतिनिधिहरूले पनि भरतपुरको विकासको निरन्तरताका लागि फेरि एकपटक रेनु आउनुपर्छ भन्ने बुझाइ छ । मेरो पक्षमा माहोल र उत्साह बनेको छ ।

तपाईंहरूले जोसँग चुनावी गठबन्धन गर्नुभयो, त्यो कांग्रेसभित्र तपाईंको उम्मेदवारीलाई लिएर असन्तुष्टि देखियो नि !

असन्तुष्टि देखियो । स्वतन्त्र (बागी) उम्मेदवारी पर्‍यो । सम्बन्धित पार्टीले उहाँलाई कारवाही पनि गरिसकेको छ । मलाई के विश्वास छ भने कांग्रेसका नेताहरू तालमेलप्रति पूरै इमान्दार हुनुहुन्छ । बागी उठ्नेको हविगत चुनावमा के हुन्छ भन्ने कुरा हामीले विगतदेखि नै देख्दै आएको हो । उहाँ नउठेको भए भरतपुरमा सर्वसम्मत जस्तो हुने थियो ।

बागीबाहेक अन्य कांग्रेस कार्यकर्ताले तपाईंलाई इमान्दारीपूर्वक भोट हाल्छन् ? 

एउटै पार्टीभित्र त असन्तुष्टि हुन्छ भने म फरक पार्टीको, गठबन्धनको साझा उम्मेदवार भएँ । कतै असन्तुष्टि भएछ भने पनि कांग्रेसका नेताहरूले इमान्दारीपूर्वक भोट हाल्नु हुन्छ भन्ने विश्वास छ । अलिअलि भोट बाहिर जाला, त्यसले मलाई खासै घाटा पुग्ने देख्दिनँ । पार्टी केन्द्र र जिल्लाले गरेको तालमेल हो । विगतको चुनावमा भरतपुरमा मात्र गठबन्धन थियो । यसपटक जिल्लाका ९८ वडामै गठबन्धन गरेकाले वडा सदस्य समेतमा सहमति गरेर अगाडि बढ्दा विगतभन्दा परिस्थिति फरक छ । 

गठबन्धन त एकातिर भयो तर तपाईंको मुख्य प्रतिस्पर्धी विजय सुवेदी पनि यहाँ जनमानसमा भिजेको नेता हुनुहुँदोरहेछ । कतिको चुनौती ठान्नुभएको छ ?

उहाँ शालीन व्यक्तित्व हुनुहुन्छ । त्यो बाहेक प्रदेश सभामा सांसद र मन्त्री हुनुभयो, उहाँले के विकास गर्नुभयो त यहाँ ? विकास र कामले परिचित हुनुहुन्न । मात्र शालीन व्यक्तिको पहिचान छ । शालीनताले मात्र सबै चिज हुन्छ र ? यो देशमा शालीन र धार्मिक व्यक्तित्वको कमी छ र ? समग्र महानगरको नेतृत्व गर्ने भन्ने कुरा शालीनताले मात्र पूरा गर्न सकिन्न । यहाँका जनताको विकासको चाहना पूरा गर्न यहाँको बजेटले मात्र पुग्दैन, त्यसका लागि केन्द्रीय सरकारसँगको पहुँच, सक्रिय पहल, दृढ इच्छाशक्ति सबै भएको हुनुपर्छ ।

सांसद हुँदा आफ्नै निर्वाचन क्षेत्रमा केही गर्न नसक्नुभएको नेताले महानगरको यत्रो महासागरमा के गर्नुहोला ? अन्तर्राष्ट्रिय क्रिकेट रंगशाला र सडक पूर्वाधारको काम अगाडि बढाउनु पर्नेछ । धेरै कामलाई निरन्तरता दिनुपर्नेछ । हामीभन्दा माथिको सरकारसँग सक्रिय पहल गर्ने कुरा छन्, सामान्य ढंगले सोचेर सम्भव छैन । उहाँलाई बलियो प्रतिद्वन्द्वीका रूपमा लिएको छैन । किनकी, जनताको नजरमा म परीक्षण भएँ ।

महानगरको कसैले भन्न सक्नुहुन्न कि रेनु दाहालले काम गर्न सकेन, सुशासन कायम गरेन, भ्रष्टाचार भयो भनेर । यस विषयमा कसैले चुनौती दिएको छैन । एउटा महिला, प्रचण्डकी छोरी, काम गर्ली कि नगर्ली भन्ने आमप्रश्न थियो विगतमा । आफ्नो कर्म र व्यवहारले त्यसलाई जवाफ दिइसकेकी छु । यसर्थ मैले परीक्षामा १०० प्रतिशत त नभनौं डिस्टिंक्सनचाहिँ ल्याएको छु । 

भरतपुरको भविष्य सुन्दर छ । यसको सम्भावना छ । केही पूर्वाधार तयार गरेका छौं । फाउन्डेसन बनाएका छौं । यसलाई देशकै गौरव गर्नलायक महानगर र दक्षिण एसियाली मापदण्ड पूरा गरेको शहर बनाउनका लागि फाउन्डेसन तयार गरेका छौं । यसलाई निरन्तता दिने र सम्पन्न गर्ने दायित्व मैले पाएमा सफलतापूर्वक सम्पन्न गर्नेछु ।

फोहोर व्यवस्थापनका लागि कोरिया सरकारसँग सम्झौता गरेका छौं । अन्तर्राष्ट्रिय क्रिकेट रंगशालालाई पूरा गर्ने कुरा पनि छन् । समय सकिँदै गर्दा नारायणी तटबन्धलाई बहुवर्षीय ठेक्का लगाएर काम अगाडि बढाएका छौं । पाँच वर्षमा महानगरको आन्तरिक स्रोत २० अर्ब थियो होला ३० अर्बभन्दा बढी हामीले केन्द्र सरकारबाट बजेट ल्याएर पूर्वाधार विकास गरेका छौं । 

हिजो पनि जनप्रतिनिधि थिए, तर विकास किन भएन ? अहिले किन भयो ? कसैको दया मायाले होइन नि, हामीले सक्रिय पहल गरेर भएको हो । हामीले अविभावक पायौं । यो देशको परिवर्तनका मुख्य नेतृत्व राजनेता कमरेड प्रचण्ड पायौं । उहाँ अभिभावक बन्दा विकास गर्न सहज भयो । महानगरपालिकामा हामीले सोचेभन्दा राम्रो विकास गर्न सफल भएका छौं । त्यसले गर्दा मेरो उम्मेदवारी विकासको कामलाई निरन्तरता दिन र भरतपुरलाई स्मार्ट सिटीको रूपमा विकास गर्नका लागि हो । 

पहिलोपटक आउदा तपाईंलाई टुरिस्ट उम्मेदवार भनिएको थियो । यसपटक कस्तो प्रतिक्रिया पाउनुभएको छ ? 

हो, पहिलोपटक आउँँदा त्यसो भनियो । यसपटक मैले प्रचण्डपुत्री या टुरिस्ट उम्मेदवार भन्ने आरोप खेप्नुपरेको छैन ।

त्यतिबेला प्रचण्डकी छोरी, यो फुच्ची केटीले गर्न सक्ली कि नसक्ली भन्ने आमटिकाटिप्प्णी थियो । भर्खरै म यहाँका व्यवसायीको अन्तरक्रियामा थिएँ, उहाँहरूले सोध्नुभयो– तपाईंले यत्रो पहल कसरी लिनुभयो ? आज मैले कामले, व्यवहारले त्यसको जवाफ दिएको छु । त्यसकारण प्रचण्डपुत्री वा टुरिस्ट भन्ने छैन । आम भरतपुरवासीको चाहना एकपटक फेरि रेनु दाहाल भन्ने छ । 

चुनाव महंगो भयो भन्ने छ, कति खर्च हुने अनुमान गर्नुभएको छ ? 

न्युनतम परिचालन गर्नेबाहेक केही खर्च गरेको छैन । न्युनतम गर्नेबारे सोचेको छु । चुनाव खर्चका लागि मैले कसैसँग पैसा मागेको छैन । माग्नेवाला पनि छैन । पैसा खर्च गरेर चुनाव लड्ने योजना हामीले बनाएका छैनौं । 

दोहोरिएर जित्नुभयो भने पाँच वर्षपछि भरतपुरमा के परिवर्तन देख्न पाइनेछ ?

भरतपुरमा धेरै परिवर्तन पाउनुहुनेछ । निर्माणको काम तीव्र छ । अन्तर्राष्ट्रिय सिटी हल, अन्तर्राष्ट्रिय क्रिक्रेट रंगशाला बनाउँदैछौं । नारायणी किनारलाई सिविज मोडलमा विकास गर्दैछौं । मुख्य सडकलाई सौन्दर्यसहितको सडक बनाउँदैछौं । पुल्चोक गोन्द्राङ सडकलाई हरियालीसहितको सडक र लाइटिङ गरेर अन्तर्राष्ट्रिय मापदण्डको सडक बनाउँछौं । ५ वर्षमा ६ सय २२ किमी सडक पिच गरेका छौं । सडक पूर्वाधारको क्षेत्रमा पहिलो जोड दियो । 

आन्तरिक आयबाट शिक्षामा १५ प्रतिशत लगानी गरेका छौं । सामुदायिक विद्यालयमा ७ हजार विद्यार्थी बढाउन सफल भएका छौं । कृषिमा आधुनिकीकरण गर्न यन्त्र उपकरण दिने कार्यक्रम र दूधमा अनुदान दिएका छौं ।

अहिले शुरू भएका काम पूरा गर्दा भरतपुर देशकै नमूना र स्मार्ट सिटी बन्छ । यो देशका अन्य नगर र शहरका लागि समेत विकासमा नमूना र रोल मोडल शहर बन्नेछ ।


hAMROPATRO BELOW NEWS
TATA Below
पुस २२, २०७९

नेकपा एमालेको समर्थनमा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ प्रधानमन्त्री बनेपछि देशको राजनीतिले नयाँ कोर्स लिएको छ । तर, नयाँ प्रधानमन्त्रीले विश्वासको मत नलिँदै सरकार गिराउने खे...

असार १, २०८०

बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...

जेठ २२, २०८०

प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...

चैत २५, २०७९

वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...

असोज ३, २०८०

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाल समाजवादी पार्टी (नेसपा)का एकजना अध्यक्ष महिन्द्र राय यादवलाई पार्टी एकताका लागि पत्र पठाएपछि नेसपामा खैलाबैला उत्पन्न भएको छ ।&nb...

पुस ३, २०८०

बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x