वैशाख ३० अर्थात् भोलि (शुक्रवार)बाट स्थानीय तह निर्वाचनका लागि मतदान हुँदैछ । 

मतदानका लागि मतदानस्थलको तयारी गरिएको छ । देशका अधिकांश मतदानस्थलको तयारी पूरा भएको छ । 

त्यस्तै मतगणनास्थललाई पनि सुरक्षित गरिएको छ । मतगणनाका बेला हुन सक्ने सुरक्षा जोखिमलाई मध्यनजर गर्दै अहिले अधिकांश मतगणनास्थलमा तारजाली राखिएको छ भने सीसी क्यामेराको पनि व्यवस्था गरिएको छ । 

हालसम्म ३०० ठाउँमा सीसी क्यामेरा राखिएको निर्वाचन आयोगले जनाएको छ । सीसी क्यामेरा जडान नहुने ठाउँमा पनि भिडियो क्यामेराबाट गणनाको सबै कामको रेकर्ड राख्ने तयारी आयोगले गरेको छ । 

निर्वाचन आयोगले मतदान सम्पन्न भएलगत्तै साँझ ७ बजेदेखि नै मतगणना गर्ने तयारी गरेको छ ।

आयोगका अनुसार छिटोमा साँझ ७ बजेदेखि र ढिलोमा राति १२ बजेदेखि मतगणना शुरू हुनेछ ।  

हेरौँ देशका विभिन्न ठाउँका मतदानस्थल र मतगणनास्थलको अवस्थाः

​